ەلىمىزدىڭ ەڭ ءىرى اۆتوموبيل حولدينگى پاندەميامەن كۇرەسكە اتسالىسادى

ەرىكتى-جۇرگىزۋشىلەرىمەن بىرگە LADA ماركىلى توعىز اۆتوموبيل شىعىس قازاقستاننىڭ وبلىس ورتالىعىندا ينفەكتسيامەن كۇرەسۋشىلەردىڭ قولدانۋىنا بەرىلدى. كومپانيا كوروناۆيرۋسقا قارسى ارەكەت ەتۋگە ءوز ۇلەسىن ءبىرىنشى رەت قوسىپ وتىرعان جوق. بۇرىن "بيپەك اۆتو – ازيا اۆتونىڭ" ەكى جۇزدەگەن ەرىكتىلەر ەكيپاجى COVID-19-بەن كۇرەسۋ ءۇشىن قازاقستاننىڭ ءارتۇرلى وڭىرلەرىنە جىبەرىلگەن, تج رەجيمى كەزەڭىندە حولدينگ جەدەل قىزمەتتەر مەن ەرىكتىلەردىڭ قاراماعىنا "ۆيرۋسقا قارسى" جۇمىس ىستەۋ ءۇشىن 80 جاڭا اۆتوموبيل بەرگەن. 

"كوروناموبيلدەر" ەكيپاجدارىنىڭ الدىنا مەدپەرسونالدى, ءدارى-دارمەكتەر مەن قورعانىس قۇرالدارىن تاسىمالداۋ سياقتى وڭاي ەمەس جانە وتاندىق مىندەتتەر قويىلدى. 

رەنات مۋحامەدوۆ, "بيپەك اۆتو قازاقستان" اق ساتۋ دەپارتامەنتىنىڭ ديرەكتورى:

- وكىنىشكە وراي, ەپيدەميا جۇزدەگەن وتانداستارىمىزدىڭ ءومىرىن الىپ كەتتى. بۇگىنگى كۇنى رەسپۋبليكامىزدىڭ 25 مىڭنان استام تۇرعىنى COVID-19-بەن كۇرەسۋدە. ولاردىڭ ىشىندە ەكى مىڭداي ادام شىعىس قازاقستاندا اۋىرىپ جاتىر. وسى ادامداردى جەدەل قولداۋ قاجەت. ءبىزدىڭ LADA Granta جانە LADA Largus اۆتوموبيلدەرىمىز ينفەكتسياعا قارسى تۇرۋدا تاپتىرماس كومەكشىلەر بولادى دەپ ۇمىتتەنەمىز. بارلىق قازاقستاندىقتارعا مىقتى رۋح مەن وپتيميزم تىلەيمىز! ءبىز بىرگە ءبارىن ەڭسەرەمىز. بارلىعى جاقسى بولادى.

ءدال وسى – ء"بارى جاقسى بولادى" دەگەن رۋحتاندىراتىن ۇران كومپانيا بەرگەن اۆتوموبيلدەرگە جازىلادى.

بەنزين, ساقتاندىرۋ, سەرۆيستىك قىزمەت كورسەتۋ, قوسالقى بولشەكتەردى قوسا العاندا بارلىق كولىك شىعىندارىن جانە جۇرگىزۋشىلەردىڭ جالاقىسىن "بيپەك اۆتو — ازيا اۆتو" ءوزى تولەيدى. 

قازاقستانداعى كوروناۆيرۋستىڭ العاشقى تولقىنىنىڭ قورىتىندىلارى بويىنشا ەرىكتىلەردىڭ جۇمىسىن قامتاماسىز ەتۋگە جانە اۆتوموبيلدەرگە قىزمەت كورسەتۋگە ارنالعان "بيپەك اۆتو — ازيا اۆتونىڭ" جالپى شىعىندارى 73 ملن تەڭگەنى قۇرادى. ولاردىڭ ىشىندە, حولدينگتىڭ ججم ارنالعان شىعىندارى – 13 ملن تەڭگە (84 مىڭ ليتر بەنزين). جۇرگىزۋشىلەردىڭ جالاقى قورى – 48 ملن تەڭگە. 

سونداي-اق كومپانيا شقو اۋرۋحانالارىنا, قۇقىق قورعاۋ ورگاندارىنىڭ قىزمەتكەرلەرى مەن اسكەريلەرگە 10 مىڭ قورعانىس ماسكاسىن تەگىن بەردى.

ەرمەك وماربەكوۆ, وسكەمەندەگى "انا مەن بالا ورتالىعى" بالالار اۋرۋحاناسىنىڭ ديرەكتورى:

- ءبىز مەديتسينا قىزمەتكەرلەرى مەن شىعىس قازاقستاننىڭ تۇرعىندارىنا كورسەتكەن كومەكتەرى ءۇشىن "بيپەك اۆتوعا" وتە ريزامىز. كومپانيا بەرگەن موبيلدىك بريگادالارعا ارنالعان اۆتوموبيلدەر وسى قيىن ۋاقىتتا شاقىرتۋلارعا, ءبىزدىڭ ناۋقاستارىمىزعا كومەك كورسەتۋگە بارادى. كارانتين كۇشەيتىلگەن كەزەڭدە "بيپەك اۆتو - ازيا اۆتو" كومپانيالار توبى ءوز قىزمەتىنىڭ الەۋمەتتىك باعىتىن تاعى دا ءبىر رەت دالەلدەپ وتىر. ءبىز بىرگەمىز!