قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتىڭ تاپسىرماسى بويىنشا ماڭعىستاۋ وبلىسى باياندى اۋىلىنداعى ساپاسىز سالىنعان جولدىڭ قۇرىلىسىنا بايلانىستى, "جول اكتيۆتەرى ۇلتتىق ساپا ورتالىعىنىڭ" ينجەنەرلەرى بارىپ, تەكسەرۋ جۇرگىزگەن بولاتىن, دەپ حابارلادى "جول اكتيۆتەرىنىڭ ۇلتتىق ساپا ورتالىعى" رمك ءباسپاسوز قىزمەتى.
كوتەرىلگەن ماسەلەلەر بويىنشا مىناداي كەمشىلىكتەر انىقتالدى. سمەتالىق قۇجات دۇرىس جانە تولىق جاسالىنباعان, 6 كوشەگە ورتاق ءبىر عانا قۇجات ازىرلەنگەن. سونداي-اق, اقاۋلىق تىزىمدەمەسىندە گەومەتريالىق سيپاتتامالارى, ياعني كوشە ۇزىندىعى, توسەمنىڭ قۇرىلىمدىق قاباتتارىنىڭ ەنى جانە قالىڭدىعى دا كورسەتىلمەگەن.
زاۋىتتان شىققان اسفالت-بەتون قوسپاسى نورماتيۆتىك تالاپتارعا ساي بولعانىمەن, مەردىگەر مەكەمە توسەۋ كەزىندە قاتەلىكتەر جىبەرگەن. سونىمەن قاتار, قاراستىرىلعان قۇجاتتا نەگىزدى وڭدەۋگە ارنالعان بيتۋمنىڭ شىعىنى نورمادان ەكى ەسەگە از كورسەتىلگەندىكتەن, اسفالت توسەمى مەن استىڭعى قاباتى ءبىر-بىرىمەن دۇرىس قابىسپاۋىنا اكەلىپ سوقتى.
تەحنيكالىق قۇجاتتار ساراپتاماسىنىڭ جانە تەحنيكالىق قاداعالاۋدىڭ بولماۋى, وسىنداي اقاۋلىقتاردىڭ ورىن الىپ اسەر ەتىپ وتىر. مۇنىڭ ءبارى مامانداردىڭ كاسىبي دەڭگەيىنىڭ تومەندىگىن كورسەتەدى.