لوندونداعى كينگس-كوللەدجىنىڭ عالىمدارى COVID-19 ءۇشىن ۆاكتسينا جاساۋ قاجەت بولماۋى مۇمكىن دەگەن مالىمدەمە جاسادى. بۇل جايىندا "The Guardian" جازادى.
ولاي ايتۋلارىنا سەبەپ كۆي-مەن اۋىرىپ تۇرعانداردىڭ بارلىعىندا بىردەي ۆيرۋسقا قارسى انتيدەنەلەردىڭ تۇزىلمەۋى جانە قالىپتاسقان كۇننىڭ وزىندە ونىڭ قىسقا مەرزىمگە عانا اعزادا ساقتالىپ, ءارى قاراي جويىلىپ كەتۋى بولعان.
كينگستىك عالىمدار COVID-19-دان ساۋىعىپ تۇرعان 90 ادامعا زەرتتەۋ جۇرگىزىپ, ولاردىڭ 60 پايىزىندا ۆيرۋسقا قارسى تۇراتىن انتيدەنە قالىپتاسقانىن, ال ارادا 3 اي وتكەندە ولاردىڭ 17 پايىزىندا عانا انتيدەنە ساقتالعانىن, ءتىپتى كەيبىرىندە ۆيرۋسقا قارسى تۇراتىن دەنە مۇلدە تۇزىلمەگەنىن انىقتاعان. بۇل دەگەنىمىز-كۆي-مەن ءبىر اۋىرىپ تۇرعان ادامنىڭ اراعا ءبىراز ۋاقىت سالىپ قايتادان جۇقتىرىپ, وعان شالدىعۋى مۇمكىن دەگەن ءسوز. سونداي-اق, الەم عالىمدارىنىڭ COVID-19-عا قارسى ۆاكتسينا جاساۋ جولىنداعى ەڭبەگىنە دە كۇمان تۋدىرعان زەرتتەۋ قورتىندىسى ەكەنىن ايتا كەتكەن ءجون.