پاندەميا مەن شەكتەۋ شارالارى الەمگە ايتارلىقتاي تەرىس اسەرىن تيگىزىپ جاتىر. ىندەت سالدارىنان الەم ەكونوميكاسى بيىل 8,3 تريلليون دوللار شىعىنعا باتىپ, 147 ميلليون ادام جۇمىسىنان ايرىلعان,- دەپ حابارلايدى Egemen.kz. بۇل تۋرالى قازاقستان ۇلتتىق ارناسى حابارلاعان.
وتكەن جىلى پلانەتادا تويىپ تاماقتانباۋدان 690 ميلليونداي ادام زارداپ شەككەن ەكەن. ال, بيىل بۇعان تاعى 132 ميلليونداي اشىققان تۇرعىن قوسىلۋى مۇمكىن.
بىرىككەن ۇلتتار ۇيىمىنىڭ بولجامىنشا, 2020 كوروناۆيرۋس ىندەتى بۇل پروبلەمانى ءتىپتى ۇشىقتىرىپ, وندىرىسكە عانا ەمەس, ازىق-ت ۇلىكتى بولۋگە جانە تۇتىنۋعا دا كەرى اسەر ەتپەك.
ۇيىم بايانداماسىنا قاراعاندا, كوروناۆيرۋس پاندەمياسىنىڭ دەنساۋلىق ساقتاۋ, الەۋمەتتىك جانە ەكونوميكالىق سالالارعا جاعىمسىز ىقپالى جەر جۇزىندە ازىق-ت ۇلىك قاۋىپسىزدىگى دەڭگەيىن ءارى قاراي دا تومەندەتۋى مۇمكىن. سونىمەن قاتار, مۇنداي تەندەنتسيا جالعاسا بەرەتىن بولسا, 2030 جىلى الەمدە اشتىققا ۇشىراعاندار سانى 840 ميلليونعا جەتۋى ىقتيمال.