قازاقستاندا ناننىڭ ورتاشا باعاسى ءبىر جىل ىشىندە 10,5%-عا ءوستى. بيداي ۇنىنان جاسالعان ءبىرىنشى سۇرىپتاعى نان باعاسى 9,2%-عا, جوعارى سورتتى ۇننان جاسالعان نان باعاسى - 13,5%, قارا بيداي نانى 12,6% قىمباتتادى. بۇل تۋرالى ranking.kz حابارلايدى, - دەپ جازادى Egemen.kz.
قازاقستان قالالارىندا 1 كەلى بيداي ۇنىنان جاسالعان ءبىرىنشى سۇرىپتاعى ناننىڭ ورتاشا باعاسى 151 تەڭگە ء(بىر جىلدا +9%), جوعارى سورتتى ۇننان جاسالعان ناننىڭ 1 كەلىسى باعاسى - 289 تگ (+13,6%), قارا بيداي نانىنىڭ ءبىر كەلىسى 249 تەڭگەنى قۇرادى (+13,8%).
اسىرەسە, بيداي ۇنىنان جاسالعان ءبىرىنشى سۇرىپتاعى نان باعاسى اتىراۋ (كەلىسى 178 تگ), اقتاۋ قالالارىندا (173 تگ) قىمباتتاعان. ال, ەڭ ارزان باعا الماتى (كەلىسى 132 تگ) جانە تاراز (كەلىسى 138 تگ) قالالارىندا.
سوڭعى ءبىر ايدا كوكشەتاۋدا نان باعاسى ايتارلىقتاي قىمباتتادى (5,6%), كەلىسى 169 تەڭگەگە دەيىن, ال, تاراز قالاسىندا ءبىر جىل ىشىندە 27,8%-عا قىمباتتادى.
ال, قارا بيداي نانى نۇر-سۇلتان (كەلىسى 315 تگ), وسكەمەن (314 تگ) جانە سەمەي (313 تگ) قالالارىندا قىمبات. مۇنداي ناندى ارزان باعاعا اقتوبە مەن تالدىقورعاندا ساتىپ الۋعا بولاتىن (كەلىسى 187 تەڭگە).
2020 جىلدىڭ قاڭتار-مامىر ارالىعىندا قازاقستاندا نان ءوندىرىسى 292,8 مىڭ توننانى قۇرادى, بۇل وتكەن جىلدىڭ سايكەس كەزەڭىمەن سالىستىرعاندا 1,3% از.