مەملەكەت باسشىسى قاسىم-جومارت توقاەۆ ءوزىنىڭ Twitter-دەگى پاراقشاسىنا ىندەتتەن قازا بولعان وتانداستارىمىزدى ەسكە الىپ, تاعزىم ەتەتىنىمىزدى جازدى.
«قايتىس بولعانداردىڭ تۋىستارى مەن جاقىندارىنا كوڭىل ايتامىن. بىرلىگىمىز بەن ىنتىماعىمىزدىڭ ارقاسىندا بۇل سىناقتى تەزىرەك ەڭسەرەمىز دەگەن سەنىمدەمىن», دەپ جازدى قازاقستان باسشىسى.
سونداي-اق پرەزيدەنت Twitter-دەگى پاراقشاسى ارقىلى: «ۇكىمەت پەن اكىمدەر وسى قيىنشىلىقتاردان شىعۋ ءۇشىن شۇعىل شارالار قابىلداۋدا. دارىگەرلەردىڭ, پوليتسيا قىزمەتكەرلەرىنىڭ, ەرىكتىلەردىڭ جانكەشتى جۇمىسىنا ريزاشىلىق بىلدىرەمىن», دەدى.