رەسەي قۇراماسى بۇگىن, 15 قازان كۇنى باكۋدە ازەربايجان قۇراماسىمەن 1:1 ەسەبىمەن تەڭ ويناپ, ناتيجەسىندە ءوز توبىندا ءبىرىنشى ورىنعا شىقتى. وسى جەتىستىك ونىڭ كەلەسى جىلى برازيليادا وتەتىن الەم چەميوناتىنا قاتىسۋىن قامتاماسىز ەتتى. بۇل تۋرالى «لەنتا.رۋ» سايتى حابارلادى.
رەسەيلىكتەر وسى تەڭ ويىنى ارقىلى ءوزىنىڭ باستى باسەكەلەسى – پورتۋگاليا قۇراماسىنان ءبىر ۇپاي وزىپ كەتتى.
ءبىزدىڭ سولتۇستىكتەگى كورشىلەرىمىز ەسەپتى 16-مينۋتتا اشتى. ونى رومان شيروكوۆ سالدى. ولار وسى ەسەپتى ويىننىڭ سوڭىنا دەيىن ۇستاپ تۇردى. تەك 90-مينۋتتا الاڭ يەلەرى ساپىنان ۆاگيف دجاۆادوۆ سوققان گول كەزدەسۋدى تەڭ ناتيجەگە الىپ باردى. تۋرنير كەستەسىندە ەكىنشى ورىنعا تابان تىرەگەن پورتۋگالدار بۇل كۇنى ليۋكسەمبۋرگتى 3:0 ەتىپ ۇتتى. قورىتىندىدا رەسەي – 22, پورتۋگاليا 21 ۇپايمەن مارەگە جەتتى.
رۋسلان يگىلىك.