2020 جىلدىڭ 13 شىلدەسىنە بەلگىلەنگەن جالپىۇلتتىق ازا تۇتۋ كۇنىندە نۇر-سۇلتان ۋاقىتى بويىنشا ساعات 12:00-دە كوروناۆيرۋس ىندەتىنەن قايتىس بولعان ازاماتتاردى ەسكە الۋ ءۇشىن ءبىر مينۋتتىق ۇنسىزدىك جاريالانادى.
"جالپىۇلتتىق ازالى ۇنسىزدىك" شاراسىن "Qazaqstan" ۇلتتىق ارناسى 11:55-تەن باستاپ تىكەلەي ەفيردە كورسەتەدى.
ازا تۇتۋ كۇنىندە "حابار اگەنتتىگى" اق مەن "قازاقستان"تەلەراديوكورپوراتسياسىنا قاراستى تەلە, راديو ارنالار ەفير كەستەسىن تولىقتاي وزگەرتەدى. بارلىق ويىن-ساۋىقتىق باعدارلامالار الىنىپ, جارنامالىق كونتەنت تولىعىمەن توقتاتىلادى. بۇرىنعى كەستەدەن تەك اقپاراتتىق باعدارلامالار عانا ەفيرگە شىعادى.