الەمدە كوروناۆيرۋس جۇقتىرعاندار12 ميلليوننان, ال ودان قايتىس بولعاندار 553 مىڭنان استى, - دەپ حابارلايدى Egemen.kz قازاقستان ۇلتتىق ارناسىنا سىلتەمە جاساپ.
مۇنداي پاتسيەنتتەر, اسىرەسە, اقش-تا قايتا كوبەيىپ كەلەدى. ەلدىڭ 50 شتاتىنىڭ 41-دە Covid-19 دياگنوزى قويىلعانداردىڭ سانى ارتقان.
جالپى العاندا, داۋاسى جوق ينفەكتسيانى جۇقتىرعانداردىڭ جارتىسىنان استامى نەمەسە 6 ميلليوننان ارتىق ناۋقاس ەكى امەريكا كونتينەنتىندە تىركەلگەن. ءۇش ميلليونعا جۋىعى – ەۋروپادا, قالعاندارى الەمنىڭ وزگە ايماقتارىندا انىقتالدى.
ايتا كەتسەك, پلانەتادا كوروناۆيرۋس پاندەمياسى كارانتين رەجيمى دوعارىلعاننان كەيىن نەمەسە جەڭىلدەتىلگەن سوڭ تاعى ءورشىپ وتىر. سوندىقتان, كوپتەگەن مەملەكەتتەر شەكتەۋ شارالارىن قايتا ەنگىزۋگە ءماجبۇر.