«قازمۇنايگاز» ۇك» اق باسقارماسىنىڭ توراعاسى ساۋات مىڭباەۆ قازاقستان پرەزيدەنتى نۇرسۇلتان نازارباەۆقا ۇلتتىق كومپانيانىڭ 2016 جىلعى 9 ايداعى جۇمىسىنىڭ قورىتىندىلارى مەن تاياۋ كەلەشەككە ارنالعان جوسپارلارى تۋرالى باياندادى, دەپ حابارلايدى akorda.kz.
كەزدەسۋدە كومپانيانىڭ وندىرىستىك-قارجىلىق جانە الەۋمەتتىك سالاداعى قىزمەتىنە, سونداي-اق, جاڭا جوبالاردى ىسكە اسىرۋىنا قاتىستى ماسەلەلەر قاراستىرىلدى.
بۇدان بولەك, مەملەكەت باسشىسىنا مۇناي-گاز وڭدەۋ ونەركاسىبىندەگى ءىرى جوبالاردىڭ ىسكە اسىرىلۋ بارىسى, سونىڭ ىشىندە تەڭىز كەن ورنىنىڭ وندىرىستىك قۋاتتىلىعىن ارتتىرۋ, قاشاعانداعى العاشقى كەزەڭدەگى جۇمىستار, قاراشىعاناق كەن ورنىن دامىتۋدىڭ پەرسپەكتيۆالارى جونىندە حابارلاندى.
«قازمۇنايگاز» اق باسشىسى مۇناي باعاسىنىڭ تومەندەگەنىنە قاراماستان, كومپانيا وندىرگەن جانە وڭدەگەن مۇناي كولەمىنىڭ ارتا تۇسكەنىن ايتتى.
نۇرسۇلتان نازارباەۆ كەزدەسۋ قورىتىندىسى بويىنشا بىرقاتار ناقتى تاپسىرما بەردى.