جىبەرىلگەن قاتەلىكتەر مەن ولقىلىقتاردى انىقتايتىن ارنايى كوميسسيا قۇرۋ قاجەت. بۇل تۋرالى ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى Egemen.kz.
"جىبەرىلگەن قاتەلىكتەر مەن ولقىلىقتاردى انىقتايتىن ارنايى كوميسسيا قۇرۋ قاجەت. بۇل كوميسسيا قازىرگى ورتاق جۇمىسقا كەدەرگى جاساماي, تەكسەرىس جۇرگىزىپ, ماعان ۇسىنىس بەرۋى كەرەك", - دەدى مەملەكەت باسشىسى.
ايتا كەتەيىك, ۆيدەوبايلانىس ارقىلى ءوتىپ جاتقان جيىندا ۇكىمەت 2020 جىلدىڭ العاشقى جارتى جىلدىعىنداعى ەلىمىزدىڭ الەۋمەتتىك-ەكونوميكالىق دامۋ قورىتىندىسى تۋرالى ەسەپ بەردى.
سونداي-اق كوروناۆيرۋسقا قارسى كۇرەسكە قاتىستى قابىلدانعان شارالار, مەملەكەت باسشىسىنىڭ ۇكىمەتتىڭ الداعى ۋاقىتتا اتقاراتىن جۇمىسىنىڭ نەگىزگى باعىتتارى بويىنشا بەرگەن تاپسىرمالارى مەن مىندەتتەرى قاراستىرىلدى.
ەلىمىزدىڭ الەۋمەتتىك-ەكونوميكالىق دامۋىنىڭ قورىتىندىلارى مەن جىل سوڭىنا دەيىن ورىندايتىن مىندەتتەر جونىندە پرەمەر-مينيستر اسقار مامين, اقشا-نەسيە ساياساتىنا قاتىستى شارالار تۋرالى ۇلتتىق بانكتىڭ توراعاسى ەربولات دوساەۆ, ەلىمىزدەگى ەپيدەميولوگيالىق احۋالدى جاقسارتۋ جونىندەگى شارالار تۋرالى دەنساۋلىق ساقتاۋ ءمينيسترى الەكسەي تسوي بايانداما جاسادى.