پرەمەر-ءمينيستردىڭ ورىنباسارى ەرالى توعجانوۆتىڭ توراعالىعىمەن COVID-19 ماسەلەلەرى جونىندەگى جەدەل شتابتىڭ وتىرىسى ءوتتى, دەپ حابارلادى ۇكىمەت باسشىسىنىڭ ءباسپاسوز قىزمەتى.
وتىرىستا ەلدەگى شۇعىل شەشىمدى تالاپ ەتەتىن مىناداي جەدەل ماسەلەلەر قارالدى:
وڭىرلەرگە دارىلىك زاتتاردى جەدەل جەتكىزۋ ءۇشىن قاجەتتى نورماتيۆتىك-قۇقىقتىق بازانى قابىلداۋ;
قوسىمشا 1600 وكپەنى جاساندى جەلدەتۋ ء(وجج) اپپاراتىن, جەدەل مەديتسينالىق جاردەم قىزمەتىنىڭ 800 سانيتارلىق اۆتوماشيناسىن, سونداي-اق سۇرانىسقا اسا يە دارىلىك پرەپاراتتاردى (پاراتسەتامول, ازيتروميتسين, تسەفترياكسون, وسەلتاميۆير جانە باسقالار) ساتىپ الۋ, ولاردى وسى اپتانىڭ سوڭىنا دەيىن جەتكىزۋ كۇتىلەدى.
كوروناۆيرۋسپەن كۇرەسكە تارتىلعان مەديتسينا قىزمەتكەرلەرىنە ۇستەمەاقى تولەۋدى جالعاستىرۋ.
سونداي-اق جەدەل شتابتا اتىراۋ, ماڭعىستاۋ, باتىس قازاقستان, قاراعاندى وبلىستارى مەن نۇر-سۇلتان قالاسىنداعى سانيتارلىق-ەپيدەميالىق جاعداي جەكە تارتىپپەن قارالدى.
وڭىرلەردىڭ ارقايسىسى بويىنشا دەنساۋلىق ساقتاۋ مينيسترلىگى پروبلەمالىق ماسەلەلەردى بايانداپ, قازىرگى جاعدايدى جاقسارتۋ بويىنشا ناقتى شارالار ازىرلەدى.
جەدەل شتابتا COVID-19 سىرقاتتانۋشىلىعىنىڭ وسۋىنە بايلانىستى اتىراۋ وبلىسىنداعى قاناعاتتانارلىقسىز سانيتارلىق-ەپيدەميالىق جاعداي ەرەكشە اتاپ ءوتىلدى.
وسىعان بايلانىستى ە.توعجانوۆ اتىراۋ وبلىسىنىڭ اكىمدىگىنە جاعدايدى جاقسارتۋ بويىنشا تۇبەگەيلى شارالار قابىلداۋ تۋرالى, ونىڭ ىشىندە قوسىمشا شەكتەۋ شارالارىن قولدانۋ تۋرالى تاپسىرما بەردى.
سونداي-اق پرەمەر-ءمينيستردىڭ ورىنباسارى وڭىرلەردىڭ اكىمدىكتەرىنە كارانتيندىك شارالاردىڭ ساقتالۋىن مۇلتىكسىز باقىلاۋدى قامتاماسىز ەتۋدى, قىسقا مەرزىمدە قوسىمشا ينفەكتسيالىق ستاتسيونارلاردى ۇيىمداستىرۋدى, قاجەتتى جابدىقتاردى ء(وجج, كت جانە ت.ب.), دارىلىك زاتتاردى ساتىپ الۋدى, سونداي-اق زەرتحانالاردىڭ پتر قۋاتىن ارتتىرۋدى تاپسىردى.
ء«بىز ءار وڭىردەگى جاعدايدى جەدەل شتابتىڭ ەرەكشە باقىلاۋىندا ۇستايتىن بولامىز. ءبىز جۇمىستى كۇندەلىكتى نەگىزدە رەسپۋبليكالىق جانە وڭىرلىك اۋقىمدا تىڭداپ, ناقتى جەدەل شارالار قابىلداي وتىرىپ جالعاستىرامىز», دەپ قورىتىندىلادى ە.توعجانوۆ.