سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتىمەن «مەملەكەتتىك ساتىپ الۋدىڭ بىرىڭعاي تەرەزەسى» اقپاراتتىق-تالداۋ جۇيەسى ارقىلى ساتىپ الۋ سالاسىنا جۇرگىزىلگەن مونيتورينگتىك جۇمىستاردىڭ ناتيجەسىندە, 2020 جىلدىڭ 6 ايىندا جالپى سومماسى 372 ملن تەڭگەگە جۋىق بيۋدجەت قاراجاتى ۇنەمدەلگەن, دەپ حابارلايدى Egemen.kz.
بۇل تۋرالى دەپارتامەنت باسشىسىنىڭ ءبىرىنشى ورىنباسارى ميراس قارعاباي بيىلعى بىرىنشىجارتىجىلدىق قورىتىندىلانعان ءباسپاسوز بريفينگىندە مالىمدەدى. قوعامدا سىبايلاس جەمقورلىققا قارسى مادەنيەتتى قالىپتاستىرۋ باعىتىندا وبلىس كولەمىندە جىل باسىنان بەرى 50 مىڭعا جۋىق ادامدى قامتىعان 460-تان اسا ءتۇرلى باعىتتا ءىس - شارالار ءوتىپتى. سونداي-اق بريفينگ بارىسىندا سىبايلاس جەمقورلىقپەن كۇرەستى كۇشەيتۋگە جانە ونىڭ الدىن الۋ تيىمدىلىگىن ارتتىرۋعا باعىتتالعان تىڭ باستامالار دەپارتامەنتتىڭ جانىنان قۇرىلعان "تۇركىستان – ادالدىق الاڭى" جوبالىق كەڭسەسىنىڭ نەگىزىندە ىسكە اسىپ, قازىرگى تاڭدا كيەلى وڭىردە اشىقتىق پەن ادىلدىكتى قامتاماسىز ەتەتىن بىرقاتار جوبالار جۇيەلى جۇمىس جاساپ جاتقاندىعى ايتىلدى.بيىلدىڭ 6 ايىندا دەپارتامەنتتىڭ جەدەل ىزدەستىرۋ ءىس-شارالارىن جۇرگىزۋ ناتيجەسىندە, سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە جالپى سانى 102 قىلمىس تىركەلگەن. ونىڭ ىشىندە سىبايلاس جەمقورلىق قىلمىستار - 76, ال جەدەل جولمەن بۇگىنگى كۇنگە - 73 قىلمىستىق ءىس انىقتالىپ, بىلتىرعى جىلمەن سالىستىرعاندا ءوسىم بايقالعان.
سونداي - اق, ميراس قارعاباي وتكەن جىلى بيۋدجەت قاراجاتىن جىمقىرۋ دەرەگى بويىنشا - 12 قىلمىس تىركەلگەنىن جانە جىل باسىنان بەرى انىقتالعان قىلمىستاردىڭ سانى 14 - كە جەتكەندىگىن ايتتى. انىقتالعان قىلمىستاردىڭ نەگىزىندە مەملەكەتكە كەلتىرىلگەن زالالدىڭ جالپى قۇنى 811,8 ملن تەنگەنى قۇراعان, ال ونىڭ 805,9 ملنتەڭگەسى مەملەكەت بيۋدجەتىنە قايتارىلۋ ارقىلى وندىرىلگەن.