حقو-نىڭ جابىلۋى تۋرالى جالعان اقپاراتتىڭ تارالۋىنا بايلانىستى, قىزمەت الۋعا جۇگىنەتىن ازاماتتاردىڭ سانى كۇرت ءوستى, دەپ حابارلايدى Egemen.kz.
ۆەدومستۆوارالىق كوميسسيانىڭ شەشىمىمەن حقو-لار شەكتەۋ شارالارى ەنگىزىلگەننەن كەيىن دە سانيتارلىق جانە دەزينفەكتسيالىق تالاپتاردى ساقتاي وتىرىپ, ءوز جۇمىسىن جالعاستىرادى. قولايسىز ەپيدەميولوگيالىق جاعدايدى ەسكەرە وتىرىپ, حالىققا قىزمەت كورسەتۋ ورتالىقتارىندا قورعانىس شارالارى قابىلدانىپ, فرونت-وفيس عيماراتتارىندا ازاماتتاردىڭ جينالۋىن بولدىرماۋعا باعىتتالعان جۇمىستار قولعا الىنعان.
بۇگىندە وبلىس ورتالىقتارىنىڭ, رەسپۋبليكالىق ماڭىزى بار قالالاردىڭ جانە كەيبىر اۋدان حقو-لارىندا قىزمەتتەردى تەك الدىن الا برون جاساۋ ارقىلى عانا الۋعا بولادى. مۇنى egov.kz پورتالى, eGovKzBot2.0 تەلەگرام-بوتىنىڭ كومەگىمەن نەمەسە 1414 قىسقا نومىرىنە قوڭىراۋ شالۋ ارقىلى جاساۋعا بولادى.
حالىققا قىزمەت كورسەتۋ ورتالىقتارىندا ەلەكتروندى ۇكىمەت پورتالىندا قولجەتىمسىز, تەك "قاعاز" قىزمەتتەر (100-دەن استام قىزمەت) كورسەتىلەدى.
مۇنىڭ ءبارى ازاماتتاردىڭ كوپتەپ جينالۋىن بولدىرماۋعا جانە ۆيرۋس جۇقتىرۋ قاۋپىن ازايتۋعا باعىتتالعان.
وسىعان بايلانىستى, قازاقستاندىقتارعا, مۇمكىندىكتەرىنشە, حقو-عا بارۋدان باس تارتۋعا جانە بالاما ادىستەردى قولدانا وتىرىپ, قىزمەتتەردى ونلاين الۋعا كەڭەس بەرىلەدى, ياعني. egov.kz پورتالىن, eGovMobile ءموبيلدى قوسىمشاسىن نەمەسە eGovKzBot2.0 تەلەگرام-بوتىن قولدانۋعا بولادى.