كارانتيندىك شەكتەۋ شارالارىنا قاراماستان, مەملەكەتتىك شەكارا ارقىلى قۇقىققا قايشى ارەكەتتەر توقتاماي تۇر.
سونىمەن, 2020 جىلعى 5 شىلدەدە "قايراق" وتكىزۋ پۋنكتىندە (قوستاناي وبلىسى) شەكاراشىلار شەكارالاس مەملەكەت اۋماعىندا ايداپ كەتىلۋى ىقتيمال قىمبات تۇراتىن "Lexus RX 300" جانە "تويوتا كامري 70" اۆتوماشينالارىن ەلگە زاڭسىز كىرگىزۋ فاكتىسىنىڭ جولىن كەستى.
اۆتوكولىكتى تولىق قاراۋ كەزىندە دانەكەرلەۋ جۇمىستارىن جۇرگىزۋمەن بۇركەمەلەنگەن شاناقتىڭ نومىرلىك بەلگىلەرىن قولدان جاساۋ بەلگىلەرى انىقتالدى.
ماتەريالدار ودان ءارى پروتسەسسۋالدىق ءىس-قيمىلدار جۇرگىزۋ ءۇشىن اۋماقتىق پوليتسيا بولىمشەسىنە بەرىلدى.
شەكاراشىلار شەكارادا وتكىزۋ پۋنكتتەرىندە جالعان شاناق نومىرلەرى, تەxنيكالىق پاسپورتتارى مەن باسقا دا قولدان جاساۋ بەلگىلەرى بار اۆتوماشينالاردى تۇراقتى تۇردە انىقتايتىنىن اتاپ ءوتۋ كەرەك.