الماتى قالاسىنىڭ اكىمى باقىتجان ساعىنتاەۆ مەديتسينالىق مەكەمەلەردەگى توسەك-ورىن مولشەرىنە قاتىستى مالىمەت بەردى, - دەپ حابارلايدى Egemen.kz
ونىڭ مالىمەتىنشە, بۇگىندە وڭىردە 4232 توسەك-ورنى بار 19 ستاتسيونار جۇمىس ىستەۋدە. ەپيدەميا باستالعان ۋاقىتپەن سالىستىرعاندا بۇل كورسەتكىش 9 ەسەگە وسكەن. ايتا كەتۋ كەرەك, ەرتەڭ 150 ادامعا ارنالعان تاعى ءبىر ستاتسيونار اشىلعالى وتىر.اپتا سوڭىنا دەيىن ۋرولوگيا عىلىمي ورتالىعى بازاسىندا تاعى 150 ادامعا ارنالعان ستاتسيونار اشۋ جوسپاردا بار. سونداي-اق, بۇعان دەيىن حابارلاعانىمىزداي, "حالىق ارەنا" بازاسىندا ستاتسيونار اشىلادى. ونىڭ العاشقى 200 توسەك-ورنى وسى اپتانىڭ سوڭىندا پايدالانۋعا بەرىلمەك.