قازاقستان رەسپۋبليكاسىنىڭ ديپلوماتيالىق قىزمەتى كۇنىندە حاريۋماا, يدا-ۆيرۋماا, تارتۋماا جانە ليايانە-ۆيرۋماا اۋماقتارى كونسۋلدىق وكرۋگىمەن قازاقستان رەسپۋبليكاسىنىڭ قۇرمەتتى كونسۋلدىعى سالتاناتتى تۇردە اشىلدى. مەكەمە باسشىسى رەتىندە ەستونيا پارلامەنتىنىڭ ەكس-دەپۋتاتى, "Talinna Linnatranspordi" اق باسقارما توراعاسى دەنيس بوروديچ تاعايىندالدى. بۇل تۋرالى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ حابارلايدى.
قازاقستان ەلشىسى نۇرلان سەيتىموۆ ءوز سوزىندە قۇرمەتتى كونسۋلدىقتىڭ ىنتىماقتاستىقتىڭ بارلىق باعىتتارىنداعى قازاقستان-ەستونيا قاتىناستارىن دامىتۋداعى, اسىرەسە ەلدەر اراسىنداعى ساۋدا-ەكونوميكالىق ىنتىماقتاستىقتى دامىتۋداعى, سونداي-اق ەلىمىزدىڭ ازاماتتارى مەن زاڭدى تۇلعالارىنىڭ قۇقىقتارى مەن مۇددەلەرىن قورعاۋداعى ماڭىزدى ءرولىن اتاپ ءوتتى.
ءىس-شاراعا ليايانە-حاريۋ اۋدانىنىڭ باسشىسى يانۋس ساات, پالديسكي تەڭىز پورتىنىڭ باسشىلىعى, ديپلوماتيالىق كورپۋستىڭ, ەستونيا پارلامەنتىنىڭ (ريگيكوگۋ), ايماقتىڭ ىسكەر توپتارى مەن جەرگىلىكتى باسقارۋ ورگاندارىنىڭ وكىلدەرى قاتىستى.