كوروناۆيرۋس: وڭىرلەردەگى احۋال قانداي؟

"كوپتەگەن ەلدەردە ينفەكتسيا تارالۋىنىڭ ەكىنشى تولقىنى ءجۇرىپ جاتىر. ەلىمىزدە كۇن سايىن كۆي جۇقتىرعاندار سانى ءوسىپ كەلەدى. تىركەلگەن جاعدايلاردىڭ ءوسىمى ءبىر ايدا شامامەن 4,5% قۇرادى. وبلىستاردا ءوسىم 2%-دان 8%-عا دەيىن كوتەرىلۋدە. قازىرگى تاڭدا كۇنىنە ورتاشا ەسەپپەن 1500 ادام اۋىرادى. وسى كۇنگە دەيىن اۋرۋحانالاردا كۆي پنەۆمونياسىمەن 8500 ناۋقاس ەمدەلىپ جاتىر.سوڭعى ايدا ەڭ جوعارى ءوسىمى نۇر-سۇلتان, الماتى, شىمكەنت, اتىراۋ, قاراعاندى وبلىستارىندا بايقالادى", - دەدى ا. عينيات.جەكە ادامدار اراسىندا كۆي-دىڭ ەڭ جوعارعى ءوسىمى اتىراۋ وبلىسىندا, الماتى قالاسىندا, بقو, ماڭعىستاۋ, شقو-دا بايقالادى."اۋرۋ تاراۋدىڭ وزىندىك ەرەكشەلىكتەرى بار. ازاماتتار نۇر-سۇلتان قالاسىندا سىرقاتتانۋىنا بايلانىستى مەديتسينالىق ۇيىمدارعا وزدىگىنەن كوپ جۇگىنەدى. ول ەلىمىز بويىنشا جالپى ءولىم جاعدايلار سانىنان 1/3 بولىگىن قۇراپ وتىر. الماتى قالاسىندا كۆي-مەن اۋىراتىنداردىڭ ۇلەسى سكرينينگ كەزىندە جانە بايلانىستا بولعان ادامدار اراسىندا انىقتالۋدا. بۇگىنگى تاڭدا ستاتسيونارلاردا رەانيماتسيالىق توسەكتەر تاپشى بولىپ وتىر. بۇل جەردە پنەۆمونيانىڭ اۋىر تۇرىمەن اۋىراتىن ناۋقاستار ەم الۋدا", دەدى ۆيتسە-مينيستر.ۆيتسە-ءمينيستردىڭ ايتۋىنشا, كۆي بويىنشا كۇردەلى ءۇشىنشى ءوڭىر - اتىراۋ وبلىسى. كەن ورىندارىندا ورشۋلەر كوپ بولۋىنا بايلانىستى وبلىس بويىنشا توسەك-ورىندار تەز تولىقتى. بۇل جەردەگى جۇمىسكەرلەر ءارتۇرلى وبلىستار مەن وڭىرلەردەن كەلەدى. شىمكەنت قالاسىندا رەانيماتسيالىق توسەك-ورىندار جەتكىلىكسىز. بقو-دا سىرتقى جاعدايلاردان اكەلىنگەندەر كوپ.