2020 جىلعى 30 ماۋسىم مەن 3 شىلدە ارالىعىندا احقو سوتى مەن حالىقارالىق تورەلىك ورتالىعى (بۇدان ءارى - «حتو») Online Astana Finance Days 2020 ءۇشىنشى جىل سايىنعى قارجىلىق كونفەرەنتسياسى شەڭبەرىندە ارنايى ۆەبينارلار وتكىزۋدە. ۆەبينارلار داۋلاردى شەشۋدىڭ نەگىزگى اسپەكتىلەرىنە جانە COVID-19 پاندەمياسى كەزىندە جانە ودان كەيىن پايدا بولعان جاڭا ترەندتەرگە ارنالادى, دەپ حابارلايدى Egemen.kz
ۆەبينارلار احقو سوتى مەن حتو سوتى "2020 جىلدىڭ ءساۋىر ايىندا احقو سوتى مەن حتو-نىڭ ۆەبينارلار باعدارلاماسى" اتتى ىسكە قوسىلعان ارنايى باعدارلامانىڭ ءبىر بولىگى بولىپ تابىلادى, احقو سوت تورەشىسىنىڭ, حتو تورەشىلەرىنىڭ, سونداي-اق ءىرى حالىقارالىق جانە قازاقستاندىق زاڭ فيرمالارى سەرىكتەستەرىنىڭ قاتىسۋىمەن 15 ۆەبينار ءساتتى وتكىزىلدى. اتالعان باعدارلامانىڭ ماقساتى-بيزنەس جانە زاڭ قوعامداستىقتارىنىڭ الەۋەتتى وكىلدەرىن احقو سوتى جانە حتو تۋرالى سوڭعى اقپاراتپەن قامتاماسىز ەتۋ, سونداي-اق 90-نان استام كوممەرتسيالىق داۋلاردى جىلدام ءارى ەكونوميكالىق ءتيىمدى شەشۋگە ىقپال ەتەتىن, احقو سوتى مەن حتو-نىڭ ONLINE ەلەكتروندىق سوت تورەلىگى جۇيەسىن تابىستى ىسكە قوسۋدى قوسا العاندا, داۋلاردى شەشۋ پروتسەسىنىڭ باسقا اسپەكتىلەرى تۋرالى حاباردار ەتۋ.
احقو سوتى مەن حتو باعدارلاماسىنىڭ ۆەبينارلارىندا Online Astana Finance Days 2020-داعى ءىرى كورپوراتسيالاردىڭ زاڭگەرلەرى COVID-19 پاندەمياسى كەزىندە جانە ودان كەيىنگى داۋلاردى شەشۋدەگى ماڭىزدى ماسەلەلەردى تالقىلايدى.
2002 جىلعى 1 شىلدەدە "داۋلاردى ونلاين تۇردە شەشۋ: بۇگىنى مەن بولاشاعى" اتتى ۆەبيناردا بەيجىڭ مەن گونكونگتىڭ جەتەكشى تورەلىك ينستيتۋتتارىنىڭ وكىلدەرى داۋلاردى شەشۋ سالاسىنداعى سوڭعى يننوۆاتسيالار مەن ترەندتەردى تالقىلايدى. 2020 جىلعى 3 شىلدەدە احقو سوتىنىڭ توراعاسى لورد مانس جانە حتو توراعاسى باربارا دومانن QC حانىم (كورولدىك كەڭەسشى) ۆەبينار قاتىسۋشىلارىنىڭ سۇراقتارىنا جاۋاپ بەرەدى, سونداي - اق احقو سوتى مەن حتو-نىڭ الەۋەتتى پايدالانۋشىلارى ءۇشىن جاڭا قىزمەتتەر تۋرالى ايتىپ بەرەدى.