جاپونيا ۇكىمەتى ءۇش ءىرى اۋەجايلارىندا كوروناۆيرۋسقا پتر-تەستىلەۋ ورتالىقتارىن ورناتۋعا نيەتتى. بۇل تۋرالى كيودو اگەنتتىگى حابارلادى, - دەپ جازادى Egemen.kz
شارالار ەلدەن كەلۋگە جانە كەتۋگە ارنالعان شەكتەۋلەردى بىرتىندەپ الىپ تاستاۋ قاجەتتىلىگىنەن تۋىندادى. تەستىلەۋ ورتالىقتارى توكيوداعى ناريتا جانە حانەدا اۋەجايلارىندا جانە وساكا ماڭىنداعى قانساي اۋەجايىندا ورناتىلادى. سونداي-اق, ءبىر ورتالىقتان ەكى پرەفەكتۋرانىڭ ورتالىق بولىگىندە قۇرىلادى.
ورتالىقتاردىڭ قىزمەتى وسى جازدان باستاپ ىسكە قوسىلادى دەپ كۇتىلۋدە. ەلگە كىرۋشىلەر ءۇشىن تەست جۇرگىزۋگە باستى نازار اۋدارىلاتىن بولادى. جاپونيادان شىعاتىندارعا قاتىستى ماسەلە ازىرگە شەشىلۋدە. قازىر اۋەجايدىڭ كارانتيندىك قىزمەتىندە كۇنىنە 1 مىڭعا جۋىق سىناق وتكىزۋگە جەتكىلىكتى, ناتيجەنى 1-2 كۇن كۇتۋگە تۋرا كەلەدى. جاڭادان قۇرىلعان ورتالىقتار ناتيجەلەردى كۇتۋ ۋاقىتىن بىرنەشە ساعاتقا قىسقارتا وتىرىپ, كۇنىنە 4 مىڭعا جۋىق تەست وتكىزە الادى.
ايتا كەتۋ كەرەك, قازىرگى ۋاقىتتا جاپونيا 129 ەلدەن شەتەلدىكتەردىڭ كەلۋىنە تىيىم سالدى.