قازاقستان رەسپۋبليكاسىنىڭ پرەمەر-ءمينيسترى اسقار مامين رەسەي فەدەراتسياسى ۇكىمەتىنىڭ توراعاسى ميحايل ميشۋستينمەن تەلەفون ارقىلى سويلەستى. بۇل تۋرالى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ حابارلايدى.
تاراپتار ساۋدا-ەكونوميكالىق جانە كولىك سالالارىنداعى ەكىجاقتى ىنتىماقتاستىقتىڭ, سونداي-اق ەاەو اياسىنداعى ونەركاسىپتىك كووپەراتسيا مەن ءوزارا ءىس-قيمىلدىڭ وزەكتى ماسەلەلەرىن تالقىلادى.
CوVID-19-دىڭ تارالۋىنا قارسى كۇرەستەگى بىرلەسكەن شارالارعا ەرەكشە كوڭىل ءبولىندى. رەسەي تاراپى قازاقستانعا ءدارى-دارمەك جانە شىعىس ماتەريالدارىمەن تەست جۇيەلەرى تۇرىندە گۋمانيتارلىق كومەك كورسەتۋگە, سونىمەن قاتار جۇقپالى اۋرۋلار گوسپيتالدارى مەن ۆيرۋسولوگيالىق زەرتحانالاردى اشۋ بويىنشا مامانداردى قر-عا جىبەرۋگە دايىن ەكەنىن ءبىلدىردى.