الەۋمەتتىك جەلىلەردە 30 ماۋسىمنان باستاپ بەلگىسىز مەرزىمگە شەكتەۋ شارالارىن كۇشەيتۋ تۋرالى حابار پايدا بولدى. وسىعان بايلانىستى ءىرى قالالار, ونىڭ ىشىندە ەل ورداسى - نۇر-سۇلتان دا جابىلاتىنى ايتىلعان. وسى اقپاراتقا بايلانىستى ۇكىمەتتىڭ ءباسپاسوز قىزمەتى تۇسىنىك بەردى, - دەپ حابارلايدى Egemen.kz.
"الەۋمەتتىك جەلىلەردە ۆەدومستۆوارالىق كوميسسيا ماقۇلداعان قوسىمشا شەكتەۋ شارالارىن ەنگىزۋ تۋرالى حابارلاما تاراتىلدى. بۇل تاراعان اقپارات جالعان جانە شىندىققا سايكەس كەلمەيدى. رەسمي اقپارات كوزدەرىنە سەنىڭىزدەر", - دەلىنگەن حابارلامادا.
ەسكە سالايىق, 29 ماۋسىمدا قازاقستان پرەزيدەنتى قاسىم-جومارت توقاەۆ 2020 جىلدىڭ ناۋرىز-مامىر ايلارىندا بولعان قاتاڭ كارانتيندىك شارالاردى قايتا ەنگىزۋگە بولاتىندىعىن ايتقان ەدى. پرەزيدەنت مەملەكەتتىك كوميسسياعا ەكى كۇننىڭ ىشىندە شەكتەۋ شارالارىن كۇشەيتۋ جونىندە ۇسىنىستار ازىرلەۋدى تاپسىردى.