2020 جىلى 5 شىلدەدە "Artios" كرەاتيۆتى اگەنتتىگى مەن قازاقستانداعى بىرىككەن ۇلتتار ۇيىمى ۇيىمداستىرۋىمەن جانە نۇر-سۇلتان قالاسى اكىمدىگىنىڭ قولداۋىمەن ەلوردا كۇنىنە جانە بىرىككەن ۇلتتار ۇيىمىنىڭ 75 جىلدىعىنا وراي نۇر-سۇلتان قالاسىندا ء"ۇشىنشى جۇماق" ونەر ينستاللياتسياسىنىڭ تانىستىرىلىمى وتەدى. وسىعان دەيىن الەمنىڭ جەتەكشى ونەر الاڭدارىندا قويىلعان ايگىلى يتالياندىق سۋرەتشى ميكەلاندجەلو پيستولەتتونىڭ اۆتورلىق جوباسى قازاقستاندا تۇڭعىش رەت كورسەتىلەتىن بولادى, - دەپ حابارلايدى Egemen.kz.
ميكەلاندجەلو پيستولەتتو بۇل سيمۆولدىڭ يدەياسىن سوڭعى ون جىل بارىسىندا دامىتۋدا. ء"ۇشىنشى جۇماق" – بۇل جاساندى دۇنيە جانە تابيعات اراسىنداعى ءوزارا بايلانىس تەپە-تەڭدىگى تۇرىندە ىسكە اسىرىلاتىن ادامزاتتىڭ ءۇشىنشى كەزەڭى, سونىمەن بىرگە ادامزاتتىڭ تۇراقتى دامۋ ماقساتتارىنا جەتۋگە دەگەن ۇمتىلىسىن كورسەتەدى. بۇل كەزەڭدە الۋان ەلدەر مەن ءار ادامنىڭ ومىرىندەگى قايشىلىقتاردىڭ كوپشىلىگى پلانەتانىڭ بارلىق تۇرعىندارىنىڭ ايىرماشىلىقتاردى جەڭۋگە, تۇراقتى دامۋعا جانە بەيبىتشىلىكتى نىعايتۋعا كۇش سالۋى ارقاسىندا جويىلۋى مۇمكىن. ء"ۇشىنشى جۇماق" تۇجىرىمداماسىنىڭ ماڭىزدى بولىگى – ەكولوگيالىق ويلاۋدى دامىتۋ جانە انتروپوتسەنترلىك ساناعا سىن, ول سونىمەن بىرگە بۇۇ قىزمەتىنىڭ نەگىزگى يدەيالارى مەن باعىتتارىن كورسەتەدى.
كوركەمونەر ينستاللياتسياسى نۇرجول بۋلۆارى, قازاقستان رەسپۋبليكاسى پرەزيدەنتىنىڭ رەزيدەنتسياسى – اقوردا الدىنداعى امفيتەاتردا ورنالاسادى. ء"ۇشىنشى جۇماق" جوبالارى وسىعان دەيىن لۋۆردا (پاريج), بۇۇ-نىڭ جەنەۆاداعى شتاب-پاتەرىندە, ەۋروپالىق وداق كەڭەسىندە, ميلاندا, توكيودا جانە الەمنىڭ كوپتەگەن باسقا قالالارىنداعى كورمەلەرىندە جۇزەگە اسىرىلعان.
COVID-19 ىندەتىنىڭ جاپپاي تارالۋى كەزىندە ء"ۇشىنشى جۇماق" قالا تۇرعىندارىنا قورشاعان ورتانى قورعاۋ مەن ۇتىمدى تۇتىنۋعا ۇمتىلۋدىڭ ماڭىزدىلىعىن كورسەتەتىن ەسكەرتكىش ىسپەتتەس.