ماۋسىمنىڭ 24-ءى مەن 26-سى ارالىعىندا مەملەكەتتىك جاستار ساياساتى مەكتەبىنىڭ اياسىندا وڭىرلىك جاستار رەسۋرستىق ورتالىقتارىنا ارنالعان رەسپۋبليكالىق سەمينار-ترەنينگ ءوتتى, - دەپ حابارلايدى Egemen.kz.
ونلاين فورماتتا وتكەن سەمينار-ترەنينگكە نۇر-سۇلتان, الماتى, شىمكەنت قالالارى مەن وبلىستاردان 30-دان اسا رەسۋرستىق ورتالىقتاردىڭ باسشىلارى مەن قىزمەتكەرلەرى قاتىستى.
اتالعان شارادا قازاقستان رەسپۋبليكاسى اقپارات جانە قوعامدىق دامۋ مينيسترلىگى جاستار جانە وتباسى ىستەرى كوميتەتىنىڭ توراعاسى ماديار قوجاحمەت جانە "جاستار" عىلىمي-زەرتتەۋ ورتالىعىنىڭ ديرەكتورى ايان ساكوشەۆ قاتىسۋشىلارعا لەبىزدەرىن ءبىلدىرىپ, سەميناردىڭ ماڭىزدىلىعىن اتاپ ءوتتى.
ايتا كەتەيىك, مەملەكەتتىك جاستار ساياساتى مەكتەبى – قازاقستان رەسپۋبليكاسى اقپارات جانە قوعامدىق دامۋ مينيسترلىگى مەن "جاستار" عىلىمي-زەرتتەۋ ورتالىعىنىڭ "رۋحاني جاڭعىرۋ" باعدارلاماسىنىڭ اياسىندا جۇزەگە اسىپ جاتقان بىرلەسكەن ءبىلىم بەرۋ باعدارلاماسى.