قازاقستاندا كەمە قاتىناسى ەرتىس, ورال-كاسپي جانە ىلە-بالقاش باسسەيندەرىندە جالپى ۇزىندىعى شامامەن 3 262 شاقىرىمدىق كەمە قاتىناسى ۋچاسكەلەرى بويىنشا جۇزەگە اسىرىلادى,-دەپ حابارلايدى Egemen.kz.
وزەن كولىگى جۇمىسىنىڭ قاۋىپسىزدىگى مەن تيىمدىلىگى كەمە قاتىناسىنا جاسالعان جاعدايعا تىكەلەي بايلانىستى.
كەمە قاتىناسى قاۋىپسىزدىگىن قامتاماسىز ەتۋ بويىنشا جول جۇمىستارىن جانە باسقا دا ءىس-شارالاردى "قازاقستان سۋ جولدارى" رمقك جۇرگىزەدى.
بيىلعى قاڭتار-ءساۋىر ايلارىندا كاسىپورىن كەمەلەر مەن كەمە قاتىناسى جاعدايى بەلگىلەرىن ناۆيگاتسيالىق كەزەڭگە دايىنداۋ جۇمىستارىن جاسادى. كەمە قاتىناسى ۋچاسكەلەرى بويىنشا ناۆيگاتسيانىڭ اشىلۋى مەملەكەتتىك تاپسىرىسپەن بەلگىلەنگەن مەرزىمدە - ءساۋىر-مامىر ايلارىندا جۇرگىزىلدى.
ەرتىس وزەنى سۋ قويمالارى جوعارعى ەرتىس كاسكادى دەڭگەيلەرى اراسىندا كەمەلەردىڭ ەركىن ءوتۋى كەمە جۇزەتىن ءۇش شليۋز ارقىلى قامتاماسىز ەتىلەدى: وسكەمەن (1-كامەرالى, قىسىم فرونتىنىڭ بيىكتىگى 42 م), بۇقتىرما (4-كامەرالى, قىسىم فرونتىنىڭ بيىكتىگى 69 م) جانە ءشۇلبى (1-كامەرالى, قىسىم فرونتىنىڭ بيىكتىگى 29 م), گەس بوگەتتەرىمەن تەڭ 50 كم3 سۋ ۇستاپ تۇرادى.
شليۋزدەردىڭ اپاتسىز جۇمىسىن قامتاماسىز ەتۋ ءۇشىن 2020-2025 جىلدارعا ارنالعان "نۇرلى جول" مەملەكەتتىك باعدارلاماسى اياسىندا ولارعا كۇردەلى جوندەۋ جۇرگىزۋ كوزدەلگەن. بيىل وسى ماقساتقا بولىنگەن 1,9 ملرد. تەڭگەنىڭ 52 % يگەرىلدى.
اعىمداعى جىلدىڭ 1 ماۋسىمىنا وزەن كولىگىمەن تاسىمالداۋ كولەمى شامامەن 153 مىڭ توننانى قۇرادى. بۇل وتكەن جىلدىڭ ءتيىستى كەزەڭىمەن سالىستىرعاندا +7,8% كوپ.