حالىقارالىق شايبالى حوككەي فەدەراتسياسىنىڭ كەزەكتەن تىس جيىنىندا الداعى ماۋسىمدا وتكىزىلەتىن جارىستار تىزبەگى ءمالىم بولدى دەپ حابارلايدى Olympic.kz.
دەلەگاتتار 2021 جىلى ريگا مەن مينسكىدە وتەتىن الەم چەمپيوناتىنىڭ مەرزىمىن بەكىتتى. الەمدىك دودا 21 مامىر مەن 6 ماۋسىم ارالىعىنا جوسپارلانعان.
سونداي-اق, ايەلدەر كومانداسى اراسىنداعى الەم بىرىنشىلىگى 2021 جىلدىڭ 7-17 ءساۋىرى ارالىعىندا كانادادا وتەدى. ايەلدەر كومانداسى اراسىنداعى 2022 جىلعى بەيجىڭ وليمپياداسىنا ىرىكتەۋ ءتۋرنيرى دە كەلەسى ماۋسىمعا جوسپارلانعان.
الداعى ماۋسىمنىڭ باستى باسەكەلەرى قاتارىندا تومەندەگى تۋرنيرلەر بار:
حوككەيدەن ەرلەر اراسىنداعى الەم چەمپيوناتى (ەليتا), ءى,ءىى,ءىىى ديۆيزيونداعى (ا جانە ۆ توپتارى) الەم بىرىنشىلىگى, 18 جانە 20 جاسقا دەيىنگى سپورتشىلار اراسىنداعى الەم چەمپيوناتى.