نۇر-سۇلتان قالاسى اكىمدىگىنىڭ "استانا – ادالدىق الاڭى" جوبالىق كەڭسەسى سىبايلاس جەمقورلىققا قارسى ءىس-قيمىل اگەنتتىگىنىڭ دەپارتامەنتى مەن الماتى اۋدانى اكىمدىگىمەن بىرلەسىپ, ساتباەۆ كوشەسى, 8 جانە قاجىمۇقان كوشەسى, 14/1 مەكەن-جايى بويىنشا الماتى اۋدانىنداعى "نۇرلى جەر – 2025" تۇرعىن-ءۇي كوممۋنالدىق دامۋىنىڭ باعدارلاماسىن جۇزەگە اسىرۋ ماقساتىندا كوپ پاتەرلى تۇرعىن ۇيلەرگە مونيتورينگ جۇرگىزدى, - دەپ حابارلايدى ەلوردا اكىمدىگىنىڭ رەسمي سايتى.
نۇر-سۇلتان اكىمدىگى "نۇرلى جەر – 2025" باعدارلاماسىن جۇزەگە اسىرۋعا ىقپال ەتەدى. بۇگىنگى تاڭدا مەردىگەر مەكەمەلەر انىقتالىپ, وسى جىلدىڭ 20 مامىرىنان باستاپ قۇرىلىس-مونتاج جۇمىستارى باستالدى. مونيتورينگ بارىسىندا تۇرعىنداردىڭ تالاپ-تىلەكتەرى تىڭدالدى, اقاۋلار انىقتالىپ, مەردىگەر كومپانياعا ولاردى جويۋ تۋرالى تاپسىرمالار بەرىلدى. 2020 جىلى نۇر-سۇلتاندا وسى باعدارلاما بويىنشا 50-دەن استام كوپ پاتەرلى تۇرعىن ءۇي جوندەۋ جوسپارلانعان.
"جوسپارلانعان جوندەۋ جۇمىستارى كەزىندە قالانىڭ ءار اۋدانىندا كوپ پاتەرلى تۇرعىن ۇيلەردىڭ مونيتورينگى جاسالادى", – دەيدى قالا اكىمدىگىنىڭ "استانا – ادالدىق الاڭى" جوبالىق كەڭسەسىنىڭ ۇيلەستىرۋشىسى ساۋلە بيسەمباەۆا.