وزبەكستاننىڭ قۇقىق قورعاۋ ورگاندارى تاشكەنت پەن تاشكەنت وبلىسىندا "كاتيبا تاۋحيد ۆال - جيحاد" تەرروريستىك ۇيىمىنا قاتىسى بار دەگەن كۇدىكپەن 25 ادامدى ۇستادى. بۇل تۋرالى Ria.ru حابارلادى, دەپ جازادى Egemen.kz
"وزبەكستان رەسپۋبليكاسى ءىىم, مبك (مەملەكەتتىك قاۋىپسىزدىك قىزمەتى), ءىىبب, تاشكەنت مبك قىزمەتكەرلەرى بىرلەسىپ جەدەل ءىس - شارالار وتكىزدى, ونىڭ بارىسىندا تاشكەنت جانە تاشكەنت وبلىسى اۋماعىندا جاسىرىن ارەكەت جاساعان "كاتيبا تاۋحيد ۆال-جيحاد" حالىقارالىق تەرروريستىك ۇيىمى توبىنىڭ جاقتاۋشىلارىنىڭ زاڭسىز ءىس-ارەكەتتەرى اشكەرەلەندى", - دەلىنگەن ءىىم Telegram-كانالىنداعى حابارلامادا.
ىشكى ىستەر مينيسترلىگىنىڭ مالىمەتىنشە, ۇستالعاندار قازىرگى ۋاقىتتا سيرياداعى توپتار قاتارىندا قىزمەت اتقارىپ جۇرگەن وزبەكستان ازاماتتارىنىڭ يدەولوگيالىق ىقپالىنا تۇسكەن جانە تەرروريستىك توپتار تاراپىنان ۇرىس قيمىلدارىن جۇرگىزۋ ءۇشىن وسى ەلگە بارۋدى جوسپارلاعان.