ءتيىستى قاۋلىعا بۇگىن ءتۇس اۋا رف پرەمەرى م. ميشۋستين قول قويدى. بايقوڭىر قالاسى رەسەي فەدەراتسياسىنىڭ بيۋدجەتىنەن سۋبسيديا الا الادى. بۇل تۋرالى رەسەي پرەمەر-ءمينيسترى ميحايل ميشۋستين قول قويعان جارلىقتا ايتىلعان. شەشىمنىڭ ءماتىنى رەسەي فەدەراتسياسى ۇكىمەتىنىڭ رەسمي سايتىندا جاريالانعان, - دەپ حابارلايدى Egemen.kz.
قۇجاتتا فەدەرالدى بيۋدجەتتەن رەسەي فەدەراتسياسىنىڭ قۇرىلتاي سۋبەكتىلەرىنىڭ بيۋدجەتتەرىنە سۋبسيديالاردى ۇسىنۋ جانە ءبولۋ ەرەجەلەرىندە فەدەرالدى بيۋدجەتتەن بايقوڭىر قالاسىنىڭ بيۋدجەتىنە سۋبسيديالار قاراستىرىلۋى مۇمكىن ەكەندىگى ايتىلدى. سونىمەن قاتار, قاۋلىدا بايقوڭىرعا ارنالعان بيۋدجەتتىك قامتاماسىز ەتۋدىڭ دەڭگەيى قالالىق بيۋدجەتكە تۇسەتىن سالىق تۇسىمدەرىنىڭ جانە عارىش ايلاعىن جالعا بەرۋگە بايلانىستى بايقوڭىر ينفراقۇرىلىمىن ۇستاۋعا ارنالعان سۋبسيديالاردىڭ نەگىزىندە انىقتالعاندىعى كورسەتىلگەن.
بۇعان دەيىن قالا اكىمدىگى كوروناۆيرۋستىق ينفەكتسيانىڭ تارالۋىنا بايلانىستى شەكتەۋلەر رەجيمىن 30 ماۋسىمعا دەيىن ۇزارتقانى تۋرالى حابارلانعان بولاتىن.