نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا كوروناۆيرۋس جۇقتىرعاندا ەڭ الدىمەن نە ىستەۋ كەرەگىن ايتتى, - دەپ حابارلايدى Egemen.kz.
"ەگەر كوروناۆيرۋسقا تاپسىرعان ءاناليزىڭىز وڭ ناتيجە كورسەتسە, ەڭ الدىمەن ۇيدە وقشاۋلانۋ كەرەك. مىندەتتى تۇردە ماسكا تاعۋ رەجيمىن ساقتاپ, كۇنىنە ءۇش رەت تەرمومەتريا جۇرگىزۋ قاجەت. سونداي-اق ول ادامنىڭ جەكە ءوزى قولداناتىن ىدىسى, گيگيەنالىق زاتتارى بولۋى شارت. بولمەنى ءجيى جەلدەتىپ تۇرۋى ءتيىس", - دەدى ساۋلە قيسىقوۆا.
ونىڭ ايتۋىنشا, ناۋقاستىڭ دەنە قىزۋى 38 گرادۋستان جوعارى بولسا, 500 ميلليگرامنان پاراتسەتامول جانە كۇنىنە ءبىر رەت 150 ميلليگرام اسپيرين قابىلداۋ كەرەك.
"ىندەت جۇقتىرعاندار وزدەرىن ەمدەۋمەن اينالىسپاي, بىردەن ۋچاسكەلىك دارىگەرمەن بايلانىسقا شىعۋى كەرەك. اۋماقتىق تىركەلۋ جەرىنە قاراي جەدەل جاردەم نەمەسە ەمحانانىڭ call-ورتالىعىنا حابارلاعان كەزدە نە سەبەپتى حابارلاسقانىن ەسكەرتۋ قاجەت", - دەدى ول.