تەننيستەن بيىل بەلگىلەنگەن ۋاقىتىندا, ياعني 31 تامىز بەن 13 قىركۇيەك ارالىعىندا وتەدى. بۇل جايىندا نيۋ-يورك شتاتىنىڭ گۋبەرناتورى ەندريۋ كۋومو مالىمدەدى, - دەپ جازادى Egemen.kz
139 جىلدىق تاريحى بار ايتۋلى ءتۋرنيردىڭ بەدەلى جىلدان جىلعا ارتا تۇسۋدە. كەزىندە ەرلەر سايىسىندا ريچارد سيرس (1881-87), ۋيليام لارنەد (1901-02, 19007-11), بيلل تيلدەن (1920-25, 1929) جەتى رەتتەن باس جۇلدەنى ولجالاسا, بەرىرەكتە دجيممي كوننورس (1974, 1976, 1978, 1982-83), پيت سامپراس (1990, 1993, 1995-96, 2002) جانە رودجەر فەدەرەر (2004-08) بەس مارتە تەڭدەسسىز دەپ تانىلدى.
ايەلدەر اراسىنداعى رەكوردتىق كورسەتكىش موللا بيۋرشتەد-ماللوريگە تيەسىلى. حح عاسىردىڭ باسىندا ونەر كورسەتكەن اقش تەننيسشىسى سەگىز جارىستا الدىنا جان سالمادى.
بىلتىرعى جىلعى دودادا يسپانيانىڭ سەركەسى رافاەل نادال مەن كانادانىڭ ارۋى بيانكا اندرەەسكۋدىڭ اسىعى الشىسىنان ءتۇستى. جەرلەستەرىمىز اراسىنان ەڭ ۇزدىك ناتيجەگە الەكساندر بۋبليك پەن يۋليا پۋتينتسەۆا قول جەتكىزدى. وتكەن ماۋسىمدا ەكەۋى دە ءۇشىنشى كەزەڭگە دەيىن جەتتى.
ۇيىمداستىرۋشىلاردىڭ ايتۋىنشا, بيىلعى تۋرنير كورەرمەنسىز وتەدى. ول جەردە ساقتىق شارالاردىڭ بارلىعى ساقتالادى. ويىنشىلار مەن ولاردىڭ كوماندا مۇشەلەرى, تورەشىلەر, تەحنيكالىق پەرسونال جانە تاعى باسقا قىزمەتكەرلەر قاتاڭ تەكسەرۋدەن وتەدى.