جاس سپورتشىلاردى, ەرىكتىلەردى جانە مادەني مۇرانى قاستەرلەيتىن جاستاردى وسكەلەڭ ۇرپاقتى قولداۋ جانە ىنتالاندىرۋعا باعىتتالعان "ەلباسى» مەدالى" باعدارلاماسىنا قاتىسۋعا شاقىرادى. باعدارلاماعا 14 پەن 29 جاس ارالىعىنداعى ءاربىر جاس قاتىسا الادى, - دەپ جازادى Egemen.kz
ء"ار قاتىسۋشىعا 7 باعىت بويىنشا ءوزىن-ءوزى دامىتۋ باعدارلاماسى ۇسىنىلادى: سپورت جانە دەنە شىنىقتىرۋ, دارىن مەن داعدى, ەرىكتىلىك, تۋريستىك ساياحاتتار, كىتاپ وقۋ, ۇلتتىق مۇرا جانە ەڭبەك تاجىريبەسى. قاتىسۋشىنىڭ جاس شاماسى 14 پەن 29 جاس ارالىعىندا بولۋى كەرەك. قالعانىنىڭ ءبارى – تۇرعىلىقتى جەرى, ءبىلىمى, ماماندىعى – ماڭىزدى ەمەس. ءاربىر تالاپشىل جاس قازاقستاندىق "ەلباسى مەدالى" يەگەرى بولا الادى", دەدى نۇر-سۇلتان قالالىق ءبىلىم باسقارماسىنىڭ باستىعى شولپان قادىروۆا بۇگىن وتكەن ءباسپاسوز كونفەرەنتسياسىندا.
باعدارلاماعا قاتىسۋ ءۇشىن me.fpp.kz ونلاين-پلاتفورماسىنا تىركەلىپ, ۇسىنىلعان – التىن, كۇمىس نەمەسە قولا باعىتتارىن تاڭداۋ كەرەك. سودان كەيىن, وزىڭىزگە ارنايى بەكىتىلگەن تالىمگەردىڭ كومەگىمەن ءوز قالاۋىڭىزعا ساي ءىس-شارالار مەن كەستەنى تاڭداپ, جەكە دامۋ باعدارلاماسىن جاساي الاسىز. مۇمكىندىگى شەكتەۋلى جاستاردىڭ باعدارلاماعا قاتىسا الاتىنداي جەكە كەستە قۇرۋىنا دا جاعداي جاسالادى.
"تاعى ءبىر ەرەكشە توقتالا كەتەتىن جاعداي, باعدارلاما شەڭبەرىندە ەرىكتىلەردىڭ قىزمەتى مەملەكەت باسشىسىنىڭ "ەرىكتىلەر جىلىنىڭ" اشىلۋى كەزىندە ايتقان مىندەتتەرىنە سايكەس بولادى. "ەلباسى مەدالى" جاستاردىڭ تەك ءبىلىمىنىڭ جانە تابىسىنىڭ سيمۆولى عانا بولىپ قالمايدى. بۇل بولاشاق مەكتەپ تۇلەكتەرى ءۇشىن دە ەلدەگى جوو-دا بىلىمدەرىن جالعاستىرۋعا باعىتتالعان تىڭ قادام", دەدى ش.قادىروۆا.
قالامىز بويىنشا ءدال قازىر 1351 ادام باعدارلاماعا قاتىسۋعا ءوتىنىش بەرگەن, ولاردىڭ قاتارى ءالى دە ارتادى. باعدارلاماعا قاتىسۋ ءتارتىبى ۇكىمەت قاۋلىسىمەن بەكىتىلىپ, تۇڭعىش پرەزيدەنت قورىنىڭ قولداۋىمەن وتۋدە.
ەسكە سالا كەتەيىك, 2019 جىلى قازاقستاننىڭ تۇڭعىش پرەزيدەنتى – ەلباسى بەلسەندى جانە تالانتتى جاستاردى قولداۋعا باعىتتالعان جالپىۇلتتىق "El Úmiti" باستاماسىن كوتەردى. جاڭا باستاما اياسىندا تۇڭعىش پرەزيدەنت – ەلباسى قورى قازاقستاندىقتار مەن مەملەكەت بولاشاعى ءۇشىن بىرنەشە تىڭ جوبالاردى ىسكە قوستى. دارىندى بالالاردى دەمەۋ ءۇشىن "Qabilet" كاسىبي باعدارلاۋ قۇرالى سەكىلدى باسقا دا جوبالار ىسكە اسۋدا.