قازاقستان رەسپۋبليكاسى اۋماعىندا كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ 2020 جىلعى 11 ماۋسىمداعى شەشىمىنە سايكەس دەنساۋلىق ساقتاۋ مينيسترلىگىنىڭ ۇسىنىمدارىن جانە ەپيدەميولوگيالىق جاعدايدى ەسكەرە وتىرىپ, 2020 جىلعى 20 ماۋسىمنان باستاپ قازاقستاننان تۇركياعا, قىتايعا, وڭتۇستىك كورەياعا, تايلاندقا, گرۋزيا مەن جاپونياعا حالىقارالىق رەيستەر كەزەڭ-كەزەڭمەن قايتادان اشىلادى, - دەپ جازادى Egemen.kz
قازىرگى ۋاقىتتا وتاندىق جانە شەتەل اۋە كومپانيالارى حالىقارالىق رەيستەر كەستەسىن الدىن الا جاسادى. رەيستەر اۋە كومپانيالاردىڭ ۆەب-سايتتارىندا جاريالانعان كەستەگە سايكەس ورىندالادى. سونىمەن بىرگە, اۋە كومپانيالارى رەيستەر كەستەسىن تۇزەتۋى مۇمكىن.
جولاۋشىلارعا ىڭعايلى بولۋ ءۇشىن حالىقارالىق باعىتتارعا, اتاپ ايتقاندا كەستەدە كورسەتىلگەن باعىتتار بويىنشا (تۇركيا, قىتاي, وڭتۇستىك كورەيا, تايلاند جانە گرۋزيا باعىتتارى بويىنشا) اۋە بيلەتتەرى ساتىلا باستادى.
سونىمەن بىرگە, قىتايدا شەكتەۋ شارالارىنىڭ ەنگىزىلۋىنە بايلانىستى قازاقستاندىق جانە شەتەل اۋە كومپانيالارىنىڭ كەستەسى قاراستىرىلىپ جاتىر.
رەيستەر قازاقستان جانە شەتەلدەردىڭ سانيتارلىق قاۋىپسىزدىك شارالارى كۇشەيتىلگەن جاعدايدا ورىندالادى.