Nur Otan پارتياسىنىڭ ورتالىق اپپاراتىندا كوروناۆيرۋسپەن كۇرەس جاعدايىندا مۇقتاج ازاماتتارعا قولداۋ كورسەتۋ بويىنشا «Biz Birgemiz» رەسپۋبليكالىق اكتسياسىنا قاتىسقان ەڭ بەلسەندى ۆولونتەرلەر ەلىمىزدىڭ تۇڭعىش پرەزيدەنتى نۇرسۇلتان نازارباەۆتىڭ اتىنان العىس حاتتارمەن ماراپاتتالدى.
تاياۋدا پارتيا توراعاسى قازاقستاندىق ەڭ بەلسەندى ۆولونتەرلەرگە ءوز ىقىلاسىن ءبىلدىرىپ, العىس حاتتارعا قول قويعان ەدى.
«توتەنشە جاعداي كەزىندە Jas Otan بۇكىل ەل بويىنشا بەس مىڭنان استام ەرىكتىنى جۇمىلدىردى. ولار دەمالىسسىز جۇمىس ىستەپ, مۇقتاج ادامدارعا كومەك جەتكىزدى. ناعىز پاتريوتتاردىڭ, جاۋاپكەرشىلىگى مول جاس كوشباسشىلاردىڭ جاڭا بۋىنى قالىپتاسقانى قۋانتادى. ولاردىڭ ەڭ بەلسەندىلەرىنە ارنالعان العىس حاتتارعا قول قويدىم», دەدى نۇرسۇلتان نازارباەۆ.
سالتاناتتى شارا بارىسىندا Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك Jas Otan جاستار قاناتىنىڭ ۆولونتەرلەرى رەسپۋبليكا بويىنشا 250 مىڭنان استام وتباسىنا ازىق-ت ۇلىك سەبەتتەرىن, ماسكالار مەن ەڭ قاجەتتى زاتتاردى جەتكىزىپ بەرگەنىن اتاپ ءوتتى. سونداي-اق جاسوتاندىقتار العاشقىلاردىڭ ءبىرى بولىپ ماقتاارال اۋدانىنا اتتانعانىن, 500-دەن اسا جاس ءالى دە تابيعي اپاتتان زارداپ شەككەن اۋىل تۇرعىندارىنا اقىسىز كومەك كورسەتۋدى جالعاستىرىپ جاتقانىن حابارلادى.
«وزدەرىڭىز بىلەتىندەي, ەلباسىنىڭ باستاماسىمەن Nur Otan پارتياسى مەملەكەت باسشىسىنىڭ قولعا العان داعدارىسقا قارسى شارالارىنا قوسىمشا مۇقتاج ازاماتتارىمىزعا قارقىندى كومەك كورسەتىپ جاتىر. نۇرسۇلتان نازارباەۆتىڭ باستاماسىمەن قۇرىلعان «Birgemiz» قورىنىڭ جەلىسى بويىنشا مەتسەناتتاردىڭ قولداۋىمەن 470 مىڭنان استام وتباسى 50 مىڭ تەڭگەدەن بىرجولعى تولەماقى الدى. تۇڭعىش پرەزيدەنت قورىمەن بىرگە اسا مۇقتاج وتباسىلارعا اتاۋلى قولداۋ كورسەتۋ ۇيىمداستىرىلدى. وسىناۋ جۇمىستاردى اتقارۋدا ۆولونتەرلەرىمىزدىڭ ءرولى زور بولدى. بۇل رەتتە نۇرسۇلتان ءابىش ۇلى 2019 جىلدى جاستار جىلى دەپ بەلگىلەسە, ال 2020 جىلدى ەل پرەزيدەنتى قاسىم-جومارت توقاەۆتىڭ ۆولونتەر جىلى دەپ جاريالاۋى سيمۆولدىق مانگە يە بولدى. سىزدەر وتانعا دەگەن سۇيىسپەنشىلىكتەرىڭىزدى, ازاماتتىق پەن جاناشىرلىقتارىڭىزدى تانىتا وتىرىپ, بۇكىل قازاقستاندىق جاستارعا ۇلگى كورسەتتىڭىزدەر», دەدى باۋىرجان بايبەك.
سونىمەن بىرگە پارتيا توراعاسىنىڭ ءبىرىنشى ورىنباسارى جاستاردى الداعى پارتياىشىلىك تاڭداۋ – پرايمەريزگە قاتىسۋعا شاقىردى.
«جاقىندا پارتيا ليدەرى بيىلعى 17 تامىزدان 3 قازانعا دەيىنگى ارالىقتا پرايمەريز وتكىزۋ تۋرالى قاۋلىعا قول قويدى. ءبىزدىڭ ماقساتىمىز – الداعى ءماجىلىس پەن بارلىق دەڭگەيدەگى ءماسليحاتتار سايلاۋلارىنا پارتيالىق تىزىمدەر قالىپتاستىرۋ ءۇشىن جاڭا ليدەرلەردى انىقتاۋ بويىنشا بارىنشا اشىق ءارى باسەكەلەستىك نەگىزدە ىرىكتەۋ وتكىزۋ. بۇل رەتتە 35 جاسقا دەيىنگى جاستارعا – 20%, ال ايەلدەر ءۇشىن 30% كۆوتا كوزدەلگەن. وسى ارقىلى ءبىز دارىندى دا باستاماشىل جاستارىمىز ءۇشىن پارتيالىق «الەۋمەتتىك ءليفتىنى» قامتاماسىز ەتپەكپىز», دەدى باۋىرجان بايبەك.
وسى اپتانىڭ ىشىندە نۇرسۇلتان نازارباەۆتىڭ اتىنان العىس حاتتارمەن ءۇش مىڭداي قازاقستاندىقتى ماراپاتتاۋ جوسپارلانعانىن اتاپ وتكەن ءجون. ولاردىڭ اراسىندا پارتيانىڭ وڭىرلىك فيليالدارىنىڭ ۆولونتەرلەرى مەن بەلسەندىلەرى, سونداي-اق مەتسەناتتار بار.
«توتەنشە جاعداي رەجىمى ەنگىزىلگەن كەزدە قيىن جاعدايعا تاپ بولعان ازاماتتار كوپ. مەنىڭ ولارعا قانداي دا ءبىر كومەك بەرگىم كەلدى. الەۋمەتتىك جەلىلەردەن Nur Otan پارتياسى مۇقتاج ازاماتتارعا ازىق-ت ۇلىك جەتكىزىپ بەرىپ جاتقانىن جانە بۇل ىسكە كومەك بەرەتىن ەرىكتىلەر قاجەت ەكەندىگىن بىلگەننەن كەيىن ۇيىمداستىرۋشىلارعا بىردەن حابارلاستىم. «Biz Birgemiz» سەكىلدى اۋقىمدى اكتسياعا قاتىسقانىما شەكسىز ريزامىن», دەيدى ۆولونتەر ەلميرا ايعاليەۆا.
Jas Otan جاستار قاناتى بەلسەندىلەرىنىڭ ءبىرى سەرگەي ماتيۋشەنكو ءوز كەزەگىندە ەلباسىنىڭ العىس حاتىن الۋ ەرەكشە مارتەبە ەكەنىن جانە ونىڭ ادامدارعا كومەك كورسەتۋگە كۇش-جىگەر سىيلايتىنىن اتاپ ءوتتى.
«ەلىمىز ءۇشىن وسىناۋ كۇردەلى ۋاقىتتا Nur Otan پارتياسى بارشا اقجۇرەك ازاماتتار مەن جاستاردى بىرىكتىرە وتىرىپ, جۇرتقا ءوزىنىڭ جاۋاپكەرشىلىكتى ارقالاپ, حالىقتىڭ قامىن ويلايتىن ساياسي كۇش ەكەندىگىن كورسەتە ءبىلدى. الداعى پرايمەريز – پارتيانىڭ جاستارعا ءوز قابىلەتتەرىن اشۋلارى ءۇشىن ناقتى جاعداي جاساپ وتىرعانىنا تاعى دا ءبىر دالەل», دەدى ول.