نۇر-سۇلتان قالاسى اكىمدىگى مەملەكەتتىك اكادەميالىق فيلارمونياسىنىڭ ارتىستەرى ەلوردا تۇرعىندارىنا ارناپ جازعى فلەشموب ۇسىندى. اشىق اسپان استىندا اربات بويىندا حالىق جۇرەگىنەن ورىن العان, كەڭ تارالعان اۋەندەر ورىندالدى, - دەپ حابارلايدى Egemen.kz.
كينوتاسپالارعا ەرەكشە بوياۋ بەرگەن گەنري مانچيني, دجەيمس حورنەر, دجون ۋيليامس, يان تەرسەن سىندى كومپوزيتورلار تارتۋ ەتكەن جارقىن اۋەندەر الەم بويىنشا كونتسەرت الاڭدارىندا ۇنەمى ورىندالادى. كونتسەرتكە يۋليا زاەچكوۆسكايا, ايسۇلۋ امانگەلدى, ەربولات ابىلاي, ميراس داۋلەت جانە گۇلدانا تولەپبەرگەندەر قاتىسىپ, اشىق اسپان استىندا "امەلي", "شيندلەر ءتىزىمى", "تيتانيك", ء"تيففانيدىڭ تاڭعى اسى", "تەگەران 43", كلود فرانسۋانىڭ "May Way" سياقتى كينوفيلمدەردە ورىندالعان تانىمال ساۋند ترەكتەردى ورىنداپ شىقتى.
ەلوردالىق فيلارمونيانىڭ باس ديرەكتورى ەرلان ەرعازى ۇلىنىڭ ايتۋىنشا, بۇل اكتسيا كارانتين مەن كورەرمەندەر زالدارىندا كونتسەرتتىك ءىس-شارالاردى وتكىزۋگە ۋاقىتشا تيىم سالۋمەن بايلانىستى ۇيىمداستىرىلىپ وتىر.
"ادامنىڭ رۋحاني بايۋ جولىندا مادەنيەتتىڭ ءرولى وتە ماڭىزدى. ارتىستەر كورەرمەندەردى ساعىنۋدا. وسىعان بايلانىستى, ءبىز بارىنە جاقسى كوڭىل كۇي سىيلاۋ ءۇشىن اشىق اسپان استىندا وسىنداي تەگىن كونتسەرت ۇيىمداستىرۋ قاجەت دەپ ۇيعاردىق", - دەدى ول.