كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا اقمولا وبلىسىندا تاعى 10 ادامنىڭ كوروناۆيرۋس جۇقتىرعانىن ءمالىم ەتتى, - دەپ حابارلايدى Egemen.kz.
"COVID-19 ۆيرۋسى كوكشەتاۋ قالاسىندا جۇقتىرۋدىڭ 6 جاڭا جاعدايى انىقتالدى. ولار بۇرىن انىقتالعان جاعداي بويىنشا جاقىن بايلانىستا بولعان. جۇقتىرعاندار - ءبىر وتباسىنىڭ مۇشەلەرى, 1976, 1999 جىلى تۋعان ەر ادامدار جانە 1965 جىلى تۋعان ايەل ادام. سونداي-اق وبلىس ورتالىعىنداعى مەديتسينالىق كومەككە وزدىگىنەن جۇگىنگەنگەندەر بولدى. 1965, 1975 جىلى تۋعان ەر ادامدار مەن 1979 جىلى تۋعان ايەل ادامدا تەمپەراتۋراعا, تاماقتىڭ جىبىرلاۋىنا جانە تىنىس الۋدىڭ قيىنداۋىنا شاعىمدانعان", - دەلىنگەن حابارلامادا.
بارلىق ناۋقاستار بەكىتىلگەن حاتتاماعا سايكەس ءتيىستى ەم الىپ جاتىر. اۋرۋ وشاقتارىندا دەزينفەكتسيا جاسالعان. سوڭعى مالىمەتتەر بويىنشا, وبلىستا كوروناۆيرۋس جۇقتىرعاندار سانى 205-كە جەتتى, 251 ادام ەمدەلىپ شىقتى.