كوكشەتاۋداعى وبلىستىق قان ورتالىعىنىڭ ماماندارى تەمىرجول ۆوكزالىنىڭ ۇجىمىمەن بىرلەسىپ, جىل سايىن "قان تاپسىرىپ, ء ومىردى ساقتا!" اتتى اكتسيا ۇيىمداستىرۋدا, - دەپ حابارلايدى Egemen.kz.
قان تاپسىرۋعا نيەتتىلەردىڭ قاتارى كوپ. ۆولونتەرلار جىلى اياسىندا "قازاقستان تەمىر جولى" ۇلتتىق كومپانياسى "2020 قايىرىمدى ءىس" اكتسياسىن باستاپ كەتتى.
"اتالمىش باعدارلاما ءار كومپانيادا ەستافەتا تۇرىندە وتۋدە. ءبىر وڭدىسى – قىزمەتكەرلەرىمىز قۋانا-قۋانا اتسالىسۋدا. ناۋقاس جاندارعا كومەگىمىز تيەدى دەگەن ۇمىتتەمىز", – دەيدى كوكشەتاۋ تەمىرجول ۆوكزالىنىڭ باستىعى روزا ارىستانقىزى.
قازاقستاندا كەپىلدەندىرىلگەن مەديتسينالىق كومەك اياسىندا دونورلارعا كەيبىر كەڭ تارالعان اۋرۋلاردى, گەموگلابين دەڭگەيىن انىقتاۋعا ارنالعان تەستەردىڭ ناتيجەلەرى تەگىن بەرىلەدى. سونداي-اق قان توبى مەن رەزۋس-فاكتورىن انىقتاپ بەرەدى.
"مەن ءوزىم دە دونورمىن. قان تاپسىرۋدى شاراپاتى مول قايىرىمدىلىق دەپ سانايمىن. ويتكەنى, ءوزىڭنىڭ وسى ارەكەتىڭ ارقىلى وزگەگە ءومىر سىيلايتىن جاعدايلار كوپ كەزدەسەدى. ادەتتە مەديتسينالىق ەمدەۋ مەكەمەلەرىنىڭ بوسانۋ بولىمىندەگى انالارعا, ونكولوگيا, گەموتولوگيا ءبوىلىمىنىڭ, ءتۇرلى جاراقات العان ناۋقاستارعا قان قۇيۋ قاجەت بولىپ جاتادى", – دەيدى وبلىستىق قان ورتالىعىنىڭ مامانى دينا ءشارىپوۆا.
وتكەن جىلدا قان ورتالىعىنا 8 مىڭ ەرىكتى قان تاپسىرۋعا كەلگەن. ونىڭ 6 مىڭنان استامى دونور اتانعان.
كوكشەتاۋ قالاسى