قازاقستاننىڭ موڭعولياداعى ەلشىلىگىنىڭ ۇسىنىسىمەن, موڭعول تاراپىنىڭ قولداۋىمەن بۇگىن تاڭەرتەنگى ساعات 8.00-دە ۇلان-باتىر – نۇر-سۇلتان باعىتى بويىنشا "MIAT" موڭعوليانىڭ مەملەكەتتىك اۋە كومپانياسىنىڭ ارنايى چارتەرلىك رەيسى ۇيىمداستىرىلدى. وسى ۇشاقپەن قازاقستاننىڭ 96 ازاماتى ەلگە قايتارىلدى, - دەپ حابارلايدى Egemen.kz.
ولار موڭعولياعا قازاقستاننان كارانتين ەنگىزىلىپ, موڭعول-رەسەي شەكاراسى جابىلعانعا دەيىن جەكە ساپارمەن كەلىپ (جەرلەۋ راسىمىنە قاتىسۋ, ەمدەلۋ, جەكە ىستەرىمەن جانە تۋعان-تۋىسقاندارىنا كەلۋ), وسى ەلدە قالۋعا ءماجبۇر بولعان ازاماتتار.
ەلشىلىك قازاقستان ازاماتتارىن ەلگە قايتارۋ ماقساتىندا ولارعا بىرقاتار قولداۋ كورسەتتى. ەڭ باستىسى اتالعان ازاماتتاردىڭ ميگراتسيالىق تىركەۋلەرىن ۇزارتۋ ماسەلەسىن وڭتايلاندىردى. بۇنىڭ ءوزى موڭعوليادا 3-4 اي قالۋعا ءماجبۇر بولعان ازاماتتار ءۇشىن قارجىلىق جاعىنان ۇلكەن كومەك بولعانىن اتاپ وتكەن ءجون.
قۋات ۋاتحان,
موڭعوليادان