"قازاقستان رەسپۋبليكاسى قارۋلى كۇشتەرىنىڭ اسكەري مۇلكىن (جۇك كوتەرۋ مەحانيزمدەرىن, قىسىممەن جۇمىس ىستەيتىن قازاندىقتار مەن ىدىستارىن) پايدالانۋدى ۇيىمداستىرۋ جونىندەگى نۇسقاۋلىقتى بەكىتۋ تۋرالى" قازاقستان رەسپۋبليكاسى قورعانىس ءمينيسترىنىڭ 2019 جىلعى 28 قانتاردى № 55 بۇيرىعىنا وزگەرىس ەنگىزۋ تۋرالى»» قورعانىس ءمينيسترىنىڭ جاڭا بۇيرىق جوباسى ازىرلەندى, - دەپ حابارلادى Egemen.kz. بۇل تۋرالى مينيسترلىكتىڭ ءباسپاسوز قىزمەتى مالىمدەگەن.
وزگەرىستەر "قۇقىقتىق اكتىلەر تۋرالى" 2016 جىلعى 6 ساۋىردەگى قازاقستان رەسپۋبليكاسىنىڭ زاڭىنىڭ 15- بابىنا جانە "2020 جىلعا ارنالعان قازاقستان رەسپۋبليكاسىنىڭ قورعانىس مينيسترلىگىندە نورماتيۆتىك قۇقىقتىق اكتىلەردىڭ جوبالارىن دايىنداۋ جوسپارىن بەكىتۋ تۋرالى" قر قورعانىس ءمينيسترىنىڭ 2020 جىلعى 5 مامىرداعى № 191 بۇيرىعىنىڭ 47 تارماعىنا سايكەس وزگەرىستەر ەنگىزىلدى.
قوسىمشا رەداكتسيادا قر قم مەترولوگيالىق قامتاماسىز ەتۋ جانە ستاندارتتاۋ ورتالىعىنىڭ اتىنا اسكەري بولىمدەردىڭ قاۋىپتى تەحنيكالىق قۇرىلعىلارىن ۇستاۋ جانە پايدالانۋ تۋرالى حابارلامالاردى جىبەرۋدىڭ ناقتى مەرزىمدەرى بەلگىلەنگەن. بۇل قىسىممەن جۇمىس ىستەيتىن جۇك كوتەرگىش مەحانيزمدەردى, قازاندار مەن ىدىستاردى قاۋىپسىز پايدالانۋدى باقىلاۋ ءۇشىن قاجەت. «ازاماتتىق قورعاۋ تۋرالى» قر زاڭىنىڭ 77-بابىنا سايكەس تولىقتىرۋلار ەنگىزىلدى.