ساداق اتۋدان بيىل اقش-تىڭ يانكتون قالاسىندا شىمىلدىعى تۇرىلۋگە ءتيىس الەم چەمپيوناتى 2022 جىلى وتەتىن بولدى. بۇل جايىندا ايتۋلى سپورت ءتۇرى بويىنشا حالىقارالىق فەدەراتسيانىڭ ءباسپاسوز قىزمەتىنە سىلتەمە جاساي وتىرىپ, - Egemen.ءkz تىلشىسى حابارلايدى.
ساداق اتۋدان تۇڭعىش الەم چەمپيوناتىنىڭ تۇساۋى سوناۋ 1931 جىلى سول كەزدەرى پولشانىڭ قاراماعىندا بولعان لۆوۆ قالاسىندا كەسىلگەن ەدى. سول كەزدەن بەرى ايتۋلى جارىستىڭ جالاۋى 50 مارتە كەسىلدى. وسى ورايدا ەڭ مول ولجاعا كەنەلگەن اقش پەن وڭتۇستىك كورەيانىڭ سپورتشىلارى ەكەنىن ايتا كەتكەن ابزال. امەريكالىقتار 132 (63 التىن+37 كۇمىس+32 قولا) جۇلدە السا, كورەيلىكتەر 111 (59+27+25) رەت جەڭىس تۇعىرىنا كوتەرىلدى. ودان كەيىنگى ورىنداردا شۆەتسيا (18+20+20), كسرو (14+8+4) جانە پولشا (13+12+9) قۇرامالارى.
سوڭعى الەمدىك دودا بىلتىرعى جىلدىڭ 10-16 ماۋسىم ارالىعىندا نيدەرلاندتىڭ حەرتوگەنبوس قالاسىندا ءوتتى. وسى جارىستىڭ جالپى كوماندالىق ەسەبىندە وڭتۇستىك كورەيا كوش باستادى. ولار 3 التىن, 2 كۇمىس جانە 3 قولانى ولجالادى. ەكىنشى ورىندى تايپەي (3+0+1) يەلەنسە, اقش (2+2+0), قىتاي (1+0+0) جانە رەسەي (1+0+0) ۇزدىك بەستىكتى قورىتىندىلادى.