الماتىدا ءال-فارابي داڭعىلى بويىندا (مەڭدىقۇلوۆ پەن دوستىق كوشەلەرىنىڭ اراسىندا) «الماتى – ادالدىق الاڭى» اياسىندا ء«وز ەلىڭدى بۇزبا» مۋرالى سالىندى. بۇل كومپوزيتسيا ازاماتتاردى ادامگەرشىلىككە تاربيەلەۋگە, ادالدىق, ادىلەتتىلىك قاعيدالارىن سىڭىرۋگە ارنالعان.
مۋرالدىڭ تۇساۋكەسەرىنە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ قاتىستى. ول: «جۇمىستى الدىن الۋعا جانە پاراساتتىلىق جۇيەسىن ىلگەرىلەتۋگە, ادال جانە پاراساتتى ۇرپاق تاربيەلەۋگە, حالىقپەن تۇراقتى كەرى بايلانىس ورناتۋعا باعىتتاۋ كەرەك. ازاماتتاردى تىڭداپ, وعان قۇلاق اسىپ, كەز كەلگەن ماسەلەگە جەدەل دەن قويۋ قاجەت», دەپ جوبانىڭ ماڭىزدىلىعىن اتاپ ءوتتى.
«مۇنداي ءىس-شارالار حالىقتىڭ ساناسىن وزگەرتۋگە, سىبايلاس جەمقورلىققا قارسى مادەنيەتتى قالىپتاستىرۋعا, ادامگەرشىلىگى مول ۇرپاق تاربيەلەۋگە ارنالعان», دەدى قالالىق سىبايلاس جەمقورلىققا قارسى ءىس-قيمىل دەپارتامەنتىنىڭ باسشىسى نىعمەدجان ساپاروۆ.
ءار قازاقستاندىقتىڭ قۇقىق بۇزۋشىلىق پەن سىبايلاس جەمقورلىققا قارسى ءىس-قيمىل اياسىندا ءوزىنىڭ بەلسەندىلىگىن تانىتۋى ەلدەگى جاعدايدى جاقسارتۋعا مۇمكىندىك بەرەتىنى ءسوزسىز.