قازاقستاننىڭ بىرنەشە قالاسىندا اۋەجاي كودتارى وزگەرتىلۋى مۇمكىن. بۇل تۋرالى يندۋستريا جانە ينفراقۇرىلىمدىق دامۋ مينيسترلىگى ازاماتتىق اۆياتسيا كوميتەتىنىڭ توراعاسى تالعات لاستاەۆ ايتتى, دەپ حابارلايدى, - Egemen.kz.
«شىن مانىندە NNN سىندى كودتىڭ ءتۇرلى نۇسقالارى ۇسىنىلدى. بۇل كود حالىقارالىق IATA ۇيىمىمەن كەلىسىلەدى. كەلەسى قادام - اتىراۋ (GUW), اقتاۋ (SCO) سىندى وزگە قالالاردىڭ اۋەجايلارىنداعى كودتى وزگەرتۋ. بۇل كودتار كەڭەستىك زاماننان قالعان. وسى باعىتتا IATA ۇيىمىمەن بىرلەسىپ, جۇمىس ىستەۋدى جوسپارلادىق», - دەدى تالعات لاستاەۆ.
ونىڭ ايتۋىنشا, IATA ۇيىمىنىڭ نەگىزگى تالابى - اۋەجايلارعا ءبىر رەت تۇراقتى كود بەرۋ جانە ونى وزگەرتپەۋ.
ء«بىز ءوز تاراپىمىزدان ارگۋمەنتتەر كەلتىرىپ, جۇيەلى تۇردە IATA قاعيدالارىنا وزگەرىس ەنگىزدىك. بۇعان دەيىنگى قاراردا كودتىڭ وزگەرتىلمەيتىنى ايتىلسا, قازىر بەلگىلى ءبىر جاعدايدا وزگەرتۋگە بولاتىنى تۋرالى وزگەرىس ەنگىزىلدى. ياعني, ءبىز بارلىق مەملەكەتتەرگە مۇمكىندىك اشىپ بەردىك. ولار دا كورسەتىلگەن تالاپتاردى ساقتاي وتىرىپ, كودتارىن وزگەرتە الادى. ءبىز مۇنى قازاقستان ءۇشىن عانا جاساعان جوقپىز», - دەدى ول.