وزگە دۇنيەنىڭ ءبارىنىڭ ماۋسىمدىق تۇرلەرى بولاتىنى سياقتى قىلمىستىڭ دا ماۋسىمدىق تۇرلەرى بولادى ەكەن. سونىڭ ىشىندەگى جاز ماۋسىمىندا ورلەيتىن قىلمىس – ۆەلوسيپەد ۇرلىعى. بيىلعى جىلدىڭ قارى كەتىپ, جەرى قۇرعاعاننان بەرى پەتروپاۆل قالاسىندا 33 ۆەلوسيپەد ۇرلىعى بولىپ, ونىڭ 19 اشىلدى. ال اشىلماعانى ءالى 14. شاعىن قالا ءۇشىن بۇل قاۋىپتى كورسەتكىش.
قازىرگى بالالار ءۇشىن ۆەلوسيپەد قول جەتپەس قازىنا بولماعانىمەن ءبارىبىر اڭسايتىن ارماندارىنىڭ ءبىرى. سول ارمانعا ەندى قول جەتكىزگەندە ونى قايداعى ءبىر سۇعاناق قولدىڭ يەلەنىپ كەتكەنى بالانىڭ پسيحيكاسىنا اۋىر سالماق تۇسىرەدى. ونىڭ ۇستىنە قازىرگى ساپالى ۆەلوسيپەدتەردىڭ قۇنى دا اجەپتاۋىر, ول بالاعا عانا ەمەس اتا-اناسىنا دا ۇلكەن ماتەريالدىق شىعىن تۇسىرگەن زات. كەڭەستىك كەزەڭنەن قالعان تار بولمەلى پاتەرلەرگە يەلەرى ونى كىرگىزىپ تە قويا المايدى. ونىڭ ۇستىنە كۇندەلىكتى كىرگىزىپ-شىعارۋدىڭ دا ۇلكەن ازابى بار. سوندىقتان تومەندەگى كىرەبەرىسكە ءتىزىپ قويادى. ال قاسكويلەر كىرەبەرىستەن ولاردى جەتەكتەپ كەتۋگە قۇشتار بولىپ جۇرەدى. ءتىپتى بەكىتىپ قويعانداردىڭ دا كىلتىن بۇزىپ, الىپ كەتەدى ەكەن. كىرەبەرىسكە كىرۋ دە قيىندىق تۋدىرمايدى, شىققان ادامدى اڭدىپ تۇرىپ, ەسىك جابىلعانشا جىپ ەتسە, كورشىلەرىنىڭ كىم ەكەنىن بىلە قويمايتىن قازىرگى حالىق ەشكىمنەن كۇدىكتەنە قويمايدى.
وسى ادىسپەن جامبىل كوشەسىندەگى 70-ءشى ءۇيدىڭ كىرەبەرىسىنەن باعاسى 35 مىڭ تەڭگە تۇراتىن «BMHW» ۆەلوسيپەدى قولدى بولعان. وقيعا ورنىندا قالعان ساۋساقتىڭ ءىزى كۇدىكتىنى تابۋعا سەپتىگىن تيگىزىپ, ول بۇرىن سوتتالعان, 1993 جىلعى قالا تۇرعىنى ەكەنى انىقتالدى. قازىر ونىڭ ۇستىنەن قىلمىستىق كودەكستىڭ «ۇرلىق» بويىنشا ءىس قوزعالىپ, سوتقا دەيىنگى تەرگەپ-تەكسەرۋ جۇرگىزىلۋدە. ۇرلانعان م ۇلىك الىنىپ, كۇدىكتىگە قاتىستى كەلۋگە مىندەتتەمە الۋ بۇلتارتپاۋ شاراسى تاعايىندالدى. «قىلمىسكەلەر كوپ جاعدايدا كىرەبەرىسىنە بەينەباقىلاۋ ورناتىلماعان ۇيلەردى اڭديدى. سوندىقتان تۇرعىندار ءوز م ۇلىكتەرىنىڭ ساقتالۋى ءۇشىن كىرەبەرىسكە بەينەباقىلاۋ ورناتقاندارى ءجون», دەيدى كريمينالدىق پوليتسيا باسقارماسىنىڭ باستىعى, پوليتسيا پولكوۆنيگى پەتر كليموۆ.