وبلىستىق پوليتسيا دەپارتامەنتىنىڭ مالىمەتىنشە, ەرتىس وزەنى جاعالاۋى بويىنداعى ورتالىق جاعاجايدا پوليتسيا بەكەتى وبلىس ورتالىعىندا قوعامدىق قاۋىپسىزدىكتى ساقتاۋ ماقساتىندا ورناتىلعان.
ويتكەنى, اسەم وزەن جاعاسى, ورتالىق جاعاجايدا ءوڭىر تۇرعىندارى, قالا قوناقتارى سەرۋەندەيدى. ال جىل سايىن جازدا «ەرتىس Promenade» ساحناسىندا ەلىمىزدىڭ ەسترادا جۇلدىزدارى ونەر كورسەتەدى. بۇدان بولەك, ءتۇرلى مەرەكەلىك فلەشموبتار, چەللەندج, مادەني شارالار جاعاجايدا وتەدى.
جالپى, امبەباپ بەكەت 3 بولمەلى, ەكەۋى قىزمەت كورسەتۋگە ارنالسا, ءبىر بولمەدە پوليتسيا قىزمەتكەرلەرىنىڭ تاماقتانۋلارىنا ارنالعان. بەكەت زاماناۋي بايلانىس قۇرىلعىلارى, راديوستانسالارمەن جابدىقتالعان. سالقىنداتقىش كونديتسيونەر, جىلۋ جۇيەسى, بەينەباقىلاۋ قۇرىلعىسى جانە دابىل بەلگىلەرى ورناتىلعان.
ال پوليتسيا قىزمەتكەرلەرى ەلەكتروموبيل ارقىلى جاعاجايداعى ءتارتىپتى قاداعالاپ, تۇرعىنداردىڭ تىنىشتىعىن كۇزەتۋدە. بەكەت تاۋلىك بويى قىزمەت كورسەتەدى. ولار اۋسىم بويىنشا جۇمىس ىستەيدى. سونىمەن بىرگە, ەندى اۆتوۆوكزال مەن تەمىرجول ۆوكزالدارىنىڭ جانىندا دا وسىنداي پوليتسيا بەكەتتەرى ورنالاسادى.
پاۆلودار