ساياسي قۋعىن-سۇرگىن قۇرباندارىن ەسكە الۋعا بايلانىستى كۇنىنە وراي اباي اتىنداعى قازۇپۋ-دا فيلولوگيا جانە كوپتىلدى ءبىلىم بەرۋ ينستيتۋتى شەتەل تىلدەرى كافەدراسىنىڭ اعا وقىتۋشىسى ش.ۋ. سۇلتانقۇلوۆانىڭ ۇيىمداستىرۋىمەن «وتكەندى بىلمەي, بولاشاقتى بولجاۋ مۇمكىن ەمەس» تاقىرىبىندا تاربيەلىك ءىس-شارا ءوتتى.
ستۋدەنتتەرمەن سۇحباتقا كافەدرا وقىتۋشىلارىمەن بىرگە ءال-فارابي اتىنداعى قازۇۋ تاريح, ارحەولوگيا جانە ەتنولوگيا فاكۋلتەتى قازاقستان تاريحى كافەدراسىنىڭ دوتسەنتى, تاريح عىلىمدارىنىڭ كانديداتى ۇلجالعاس جولدىباەۆا, ۋنيۆەرسيتەتىمىزدىڭ فيلولوگيا جانە كوپتىلدى ءبىلىم بەرۋ ينستيتۋتى ديرەكتوردىڭ عىلىمي ىستەر جونىندەگى ورىنباسارى الماس نايمانباەۆ, تاربيە جۇمىسى جونىندەگى ورىنباسارى ەرلان قاسەنوۆ جانە «6م011900- شەتەل ءتىلى: ەكى شەتەل ءتىلى» ماماندىعىنىڭ 1 كۋرس ستۋدەنتتەرى قاتىستى.
تاربيەلىك ءىس-شارا بارىسىندا ستۋدەنتتەر تاريح عىلىمدارىنىڭ كانديداتى ۋ.م. دجولدىباەۆانىڭ قازاقستاندا ساياسي قۋعىن-سۇرگىن 1928 جىلدىڭ ورتاسىندا الاش زيالىلارىن تۇتقىنداۋدان باستالعانى تۋرالى بەرگەن تىڭ مالىمەتتەرىمەن تانىسا وتىرىپ, سوڭعى جىلداردا جارىق كورگەن زۇلمات فيلمىنەن ۇزىندىلەر كورىپ, ءوز ويلارىن ورتاعا سالدى.
ءىس-شارا سوڭىندا ۋ.م.دجولدىباەۆا ستۋدەنتتەرگە جاڭا ۇرپاققا تاريحتىڭ قايعىلى بەتتەرى تۋرالى ەستەلىكتى ساقتاۋدىڭ ماڭىزدىلىعىن اتاپ ءوتتى. تاربيەلىك ءىس-شارا 104-توپ ستۋدەنتى ءادىل جانسايانىڭ «زۇلمات» ولەڭىمەن اياقتالدى.
الماتى