نۇر-سۇلتاندا جول جوندەۋ بەلسەندى جۇرگىزىلۋدە. بيىل جالپى ۇزىندىعى 100 كم بولاتىن 150 كوشە جوندەلەدى, ونىڭ 100 كوشەسى تۇرعىن ءۇي الاپتارىندا ورنالاسقان. بۇل تۋرالى قالا اكىمدىگىنىڭ رەسمي سايتى حابارلادى.
ماسەلەن, شۇعىلا, بۇحارباي باتىر, اسان قايعى كوشەلەرى, اباي, جەڭىس, تۇران داڭعىلدارى, م. ماقاتاەۆ كوشەسىنىڭ جالعاسى, كەنەسارى كوشەسى, نۇرجول بۋلۆارى, ماسكەۋ كوشەسى, «تۇلپار» كوپىرىنىڭ استىنداعى اينالما جول, تاحا حۋسەين كوكشەسى, س. تورايعىروۆ كوشەسى, نۇرلىجول كوشەسى, Bi Village, Family Village اپاراتىن جولداعى 15 ورتالىق كوشەدەگى جوندەۋ اياقتالدى.
قازىر 30 كوشەدە جوندەۋ ءجۇرىپ جاتىر. اتاپ ايتقاندا ساتباەۆ, كونستيتۋتسيا كوشەلەرى جانە تۇرىن الاپتارى جوندەلۋدە. قالانىڭ بارلىق تۇرعىن الاپتارى قامتىلادى دەپ جوسپارلانعان. ايتا كەتەيىك, جۇمىس كەزىندە سانيتارلىق تالاپتار ساقتالۋدا.
«جۇمىسپەن قامتۋدىڭ جول كارتاسى» باعدارلاماسى بويىنشا بيىل 15 مىڭ جۇمىس ورنى, ال جول جوندەۋ جۇمىسارى اياسىندا 1,5 مىڭ جاڭا ورىن اشىلادى. ءبىرىنشى كەزەكتە جۇمىسپەن قامتۋ ورتالىعى ارقىلى ورنالاستىرىلادى. «بۇل سالادا جۇمىس ىستەپ جاتقانىما 13 جىل بولدى. بۇگىن ەلوردانىڭ باستى كوشەلەرىنىڭ ءبىرىن جوندەپ جاتىرمىز. جۇمىسىمدى اۋىستىرعىم كەلمەيدى, قالا تۇرعىندارىنا جايلىلىق جاساعان ۇنايدى. جاقىندا ماڭگىلىك ەل كوشەسىنەن قابانباي باتىر داڭعىلىنا دەيىنگى اۋماقتى بىتىردىك. بۇل كوشەنى دە ءبىر-ەكى كۇندە اياقتايمىز», - دەدى ۋچاسكە شەبەرى دميتري كۋشاكەەۆ.