Covid-19 پاندەمياسى كەزىندە تۇرعىنداردىڭ كوڭىل كۇيىن كوتەرۋ ءۇشىن جاپونيا اسپانىندا كۇتپەگەن جەردەن وتشاشۋلار اتىلدى. بۇل تۋرالى BBC اگەنتتىگى حابارلادى.
ۇيىمداستىرۋشىلار ادامداردىڭ توپپەن جينالماۋى ءۇشىن كەشكى ساعات 20:00-دەن باستاپ فەيەرۆەركتى ەلدىڭ قۇپيا ايماقتارىندا جاساعان. العاشىندا ولار وتشاشۋدىڭ قاي كۇنى بولاتىنىن جانە ۋاقىتىن جاسىرىن قالدىرۋعا بەكىنگەن. بىراق كەلەڭسىزدىك تۋىنداماس ءۇشىن وتەتىن جەرىنەن باسقا اقپاراتتى ايتۋعا تۋرا كەلگەن.
اسپان جاپ-جارىق بولعان ساتتە فەيەرۆەركتىڭ بولاتىنىنان حابارسىز بولعان تۇرعىندار ۇيلەرىنەن تاماشالاپ ۇلگەرۋى ءۇشىن وتشاشۋ ايتارلىقتاي ۇزاق ۋاقىتقا سوزىلدى.
دەگەنمەن, وتەتىن ايماقتى قانشا جەردەن قۇپيا ۇستاعانىنا قاراماستان جاپونيا استاناناسىندا كوشە كەزگەن ادامنىڭ قاراسى كوپ بولعان.
2020 جىلى ءوتۋى ءتيىس توكيو وليمپياداسىنىڭ كەيىنگە قالدىرىلۋى وتشاشۋ وندىرىسىنە ايتارلىقتاي زالالىن تيگىزدى. قانشاما ايلار بويى دايىندالعان وتشاشۋلاردى ساتۋ يەلەرىنە قيىن سوعىپ تۇر.