كوروناۆيرۋستان ەمدەلىپ شىققان كامالجان تالعات ۇلى نادىروۆ الماتى قالاسىنىڭ اكىمى باقىتجان ساعىنتاەۆتىڭ وكىمىمەن قوعامدىق دەنساۋلىق باسقارماسىنىڭ باسشىسى لاۋازىمىنا تاعايىندالدى. بۇل تۋرالى الماتى قالاسى اكىمدىگىنىڭ ءباسپاسوز قىزمەتى حابارلادى.
قازىرگى تاعايىنداۋعا دەيىن ول دەنساۋلىق ساقتاۋ ۆيتسە-ءمينيسترى قىزمەتىن اتقاردى.
كامالجان نادىروۆ 1983 جىلى 27 اقپاندا دۇنيەگە كەلگەن. ەكى جوعارى ءبىلىمى بار: س.ج. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىن ەمدەۋ ءىسى ماماندىعى بويىنشا, تۇران ۋنيۆەرسيتەتىن – ەكونوميست ماماندىعى بويىنشا تامامداعان. قوعامدىق دەنساۋلىق ساقتاۋ ماگيسترى. سونداي-اق نازارباەۆ ۋنيۆەرسيتەتىنىڭ جوعارى بيزنەس مەكتەبىن (Execuitive MBA) بىتىرگەن, «The Fuqua School of Business» Duke University-دە (اقش), «Parkway College» (سينگاپۋر) وقۋ ورىندارىندا ءبىلىم العان.
ەڭبەك جولىن 2007 جىلى ينتەرن-دارىگەر, كلينيكالىق ورديناتور, ءبولىم مەڭگەرۋشىسى, ب.و. جاربوسىنوۆ اتىنداعى «ۋرولوگيا عىلىمي ورتالىعى» باس ديرەكتورىنىڭ ورىنباسارى بولىپ باستادى.
2014 جىلدان باستاپ دەنساۋلىق ساقتاۋ مينيسترلىگى مەديتسينالىق قىزمەتتەردى ستاندارتتاۋ دەپارتامەنتى ديرەكتورىنىڭ ورىنباسارى قىزمەتىن اتقاردى. 2015-2017 جىلدارى «رەسپۋبليكالىق دياگنوستيكالىق ورتالىق» («University Medical Center») ديرەكتورى قىزمەتىن اتقاردى.
2017-2019 جىلدارى استانا قالاسى قوعامدىق دەنساۋلىق باسقارماسىنىڭ باسشىسى بولدى.
2019 جىلعى ناۋرىزدا دەنساۋلىق ساقتاۋ ۆيتسە-ءمينيسترى قىزمەتىنە تاعايىندالدى.