پتر دياگنوستيكالىق زەرتتەۋ ناتيجەلەرى بويىنشا شىمكەنت قالاسىنىڭ 22 تۇرعىنىنا COVID-19 دياگنوزى قويىلدى. ولاردىڭ 14-ءى ۆيرۋستى جۇقتىرعاندارمەن جاقىن قارىم-قاتىناستا بولعان, 2-ءى پنەۆمونيا دياگنوزىمەن ستاتسيونارعا جاتقىزىلعان, 2-ءى اقىلى تۇردە قارالعان, 1-ءى ستاتسيونارعا جوسپارلى تۇردە جاتقىزۋ الدىندا تەكسەرىلگەن, 3-ءى سكرينينگ ناتيجەسىندە انىقتالعان. بارلىعى تيىسىنشە جۇقپالى اۋرۋلار ستاتسيونارىنا جاتقىزىلدى.
قازىرگى تاڭدا ناۋقاستاردىڭ جاعدايى قاناعاتتانارلىق. بەكىتىلگەن حاتتاماعا سايكەس ەمدەلىپ جاتىر. پروفيلاكتيكالىق ءىس-شارالاردى جۇرگىزۋ ءۇشىن ناۋقاستارمەن قارىم-قاتىناستا بولعان ادامدار انىقتالۋدا.اۋرۋ وشاقتارىندا زارارسىزداندىرۋ جۇمىستارى جۇرگىزىلىپ جاتىر. 30.05.2020 ج. جاعداي بويىنشا قالادا COVID-19 كوروناۆيرۋس ينفەكتسياسىن جۇقتىرعان جالپى 835 ادام تىركەلگەن, ولاردىڭ ىشىندە 263-ءى جازىلىپ شىققان.