قىزىلوردا وبلىسى قارماقشى اۋدانىنىڭ اكىمى مۇسا قالداربەكوۆ جوسالى كەنتىندەگى بالالار كىتاپحاناسى مەن قارماقشى اۋىلدىق وكرۋگىندەگى «بالبوبەك» بالاباقشاسى عيماراتىنداعى جوندەۋ جۇمىستارىنىڭ بارىسىمەن تانىستى.
«جۇمىسپەن قامتۋدىڭ جول كارتاسى» باعدارلاماسى اياسىندا كوپتەگەن يگى باستامالاردى جۇزەگە اسىرعالى وتىرمىز. جۇزدەگەن تۇرعىنعا جۇمىس تابىلىپ, الەۋمەتتىك نىساندار جاڭعىرتىلۋدان وتكىزىلۋدە. باعدارلاما شەڭبەرىندە اۋداندى اباتتاندىرۋ, كوشەلەردى ورتاشا جوندەۋ مەن جارىقتاندىرۋ, الەۋمەتتىك نىسانداردى اعىمداعى جوندەۋدەن وتكىزۋ جۇمىستارى اتقارىلاتىن بولادى, – دەدى اۋدان باسشىسى.
مۇسا وسپان ۇلى مەملەكەت تاراپىنان بولىنگەن قارجىنىڭ ۋاقتىلى يگەرىلۋى, الەۋمەتتىك نىسانداردا جاسالىپ جاتقان جۇمىستاردىڭ ساپاسى, بەلگىلەنگەن ۋاقىتتا حالىق يگىلىگىنە بەرىلۋى باستى نازاردا بولاتىنىن جەتكىزدى.
بۇگىنگى كۇنى اۋداندا جۇمىسپەن قامتۋ ورتالىقتارىندا تىركەۋدە تۇرعان 332 جۇمىسسىز ازاماتقا جولداما بەرىلگەن.